عنك رحت على الناكه على الناكه على الناكة
يمه صحت بدمعه حراكة بدمعه حراكة بدمعه حراكة
يمه صحت بدمعه حراكة بدمعه حراكة بدمعه حراكة
جسام جسام فكدك يالولد كلبي مجروح
جسام جسام مسبية رحت وانت مذبوح
****
عنك مشيت ميسرة دمعاتي عالخد هامله
يوليدي يا اجمل حلم فزيت منه بكربلا
ما صدكت اكطع درب مسبية بفجوج الفله
وانت تظل على الترب يبني شعجب نومك حله
سنين الربه اصد ليها اصد ليها اصد ليها
وية المجتبى عشت بيها عشت بيها عشت بيها
وية المجتبى عشت بيها عشت بيها عشت بيها
احلام احلام عالغربة شفت دمهه مسفوح
جسام جسام مسبية رحت وانت مذبوح
****
عرسك فلا يشبه عرس مذبوح يبني بزفتك
بدال الشمع شبوا خيم وحركوا يجاسم حوفتك
مصباح عرسك للسبي غصبا عروسك عافت
وصارت معاضدهه حبل وحنتهه من دم رقبتك
يفت الكلب حجي سكينه حجي سكينه حجي سكينه
تقلك غرب تماشينه تماشينه تماشينه
للشام للشام امشي وامنت عندك الروح
جسام جسام مسبية رحت وانت مذبوح
****
مهيوبة يا جاسم جنت يا يمة بوجودك امس
ومحسودة جن عندي ولد تخجل تصد خده الشمس
هسه التعاينلي بيسر تتناشد بجلمة همس
شعدها رملة على الهزل جا وين جاسم والعرس
بهالحجي يهضموني يهضموني يهضموني
وانا البجي عمى عيوني عمى عيوني عمى عيوني
الآم الآم بيه والعتب مني مسموح
جسام جسام مسبية رحت وانت مذبوح
****
يوليدي عاين عمتك تصدلي ومدامعها جرن
بيدي غصن ياس لزمت حتى بخيام الوجرن
بي من دمومك ظل اثر وضلوعي عليهن حنن
كالتلي اريدن هالغصن مشتاقه اشم عطر حسن
لجلك نِحّن انا وزينب انا وزينب انا وزينب
وبسمك تون لوّّن تنحب لوّن تنحب لوّن تنحب
محتار محتار من عدهه الكلب يبني وتلوح
جسام جسام مسبية رحت وانت مذبوح
****
يبني انلجم جرح الربة لمن علّه السوط المتن
وشجم جرح تركن الك لرباك ولفكدك اوّن
من الناكة جم مرة طحت يوليدي ليك شما احن
وقلبي يحاجيني بعتب مو انتي عندج بس ابن
عندج بعد لمن مشيتي لمن مشيتي لمن مشيتي
يم الولد جان ظليتي جان ظليتي جان ظليتي
ايام ايام امشي وعالرمح راسك يلوح
جسام جسام مسبية رحت وانت مذبوح
****
بكل ليلة اعلكلك شمع بوسط الخرايب يالولد
وانعه لمصابك وانتحب ما اكطع الونه ابد
واتعنه وين الفاكده اليسعر كلبهه ومابرد
نتحزم انا وام علي ونتكابل وي ام المهد
اكضي بلطم الك ليلي الك ليلي الك ليلي
المن اضم بعد حيلي بعد حيلي بعد حيلي
مانام مانام لشموعك نظر عيني مشبوح
جسام جسام مسبية رحت وانت مذبوح
****
ليست هناك تعليقات:
إرسال تعليق