عوف الماي وارجع ليــّه اخاف انوخذ مسبيه
وينشل حالي يا كفّالي
-------------------------------------
عيني اعله دربك يا كفيلي تربه
كل لحظه بغيابك تمرني صعبه
فكرة رحيلك من تمرني . رهبه
ارضه ابضماي الماي ما اشربه
ارجع ما اريد اتروّه بجمر اضماي خل اتجوه
ابنص دلّالي يا كفّالي
-------------------------------------
منهو النه خويه لو سبوا حرمنه
ومنهو النه لمّن تحترك خيمنه
عوف الشريعه وعود خويه يمنه
وانطيك عيني ويسرتي واليمنه
من اتعود انطيك اديني وما ابخل ابروحي وعيني
انته الغالي يا كفّالي
-------------------------------------
خويه ارد اذكرك بالصبه وما ناسي
شاركتك ابروحي وحنين احساسي
واتنومست بيك انته رفعة راسي
عـبــاس اكول وافـخـر ابـعـبـاسي
يلي اتقدمت فدائي يلي مبدئك وفائي
ومن يدنالي يا كفّالي
-------------------------------------
يا خويه جنت انته ابحياتي كل شي
بـأسم الاخوّه نـصبـتـلي عــرشي
خويه ابوجودك هيبه لمن امشي
وابسدك امأمنه اغمض رمشي
وحدي ابغرب لا تتركني ادركني امن اصيح ادركني
انته الوالي يا كفّالي
-------------------------------------
ياخويه ارجع يا نبض دليلي
لو نفترض ياخويه ما تجيلي
منهو اللي يصبح يالكمر كفيلي
وشـلـون بـيـه لـو لفاني ليـلي
ابلا خيمه والليل اجاني لا كافلي ولا ولياني
بس اطفالي يا كفّالي
-------------------------------------
ياخويه اذا مترد بعد اليه
معناها باجر انوخذ سبيه
بحبال خويه امكيدين اديه
وبمتوني يطبع سوط ا لاميه
سوط الشمر لوّع حالي آنه المحد شاف اخيالي
يظهر تالي يا كفّالي
-------------------------------------
ليست هناك تعليقات:
إرسال تعليق