طاح العلم زينب طفي الخيم زينب
لمي الحرم زينب آيا قلب زينب
شتلحك تطفي النيران لو تركض ويه النسوان
****
شيصير قلب ام الخدر وي ظهر عاشر كربلا
خيل وذبح نار وسبي وحيده وتحامي عايله
عين على شاطي العلقمي وعين على اخوها البالفله
وعين على نيران الخيم ركضت جم مدلله
تبدد شمل زينب تالي الهزل زينب
محد مثل زينب آيا قلب زينب
تمشي لخوها العطشان لو تركض ويه النسوان
****
عيون العقيله معجزة من المصايب ما عمن
من حركوا خيمها الظهر وعل الفواطم اضمرن
طلعن خوات ام الخدر جف وي جف تلازمن
ورجليهن ببين الغرب من المستحه يترادمن
حركوا قلب زينب بين الغرب زينب
راحت غصب زينب آيا قلب زينب
تركض تحشم الخوان لو تركض ويه النسوان
****
يمشن سوة ربات الخدر ولو طاحن يطيحن سوة
يتمنن من الله غدن كون الظهر مابي ضوة
ولا عين شامت اجنبي ينظرهن بطف نينوى
حكهن الكافلهن كمر يستحن حتى من الهوة
وكت السبي زينب تعدل عبي زينب
ويه الاجنبي زينب آيا قلب زينب
تنتظر وكفت ديوان لو تركض ويه النسوان
****
ركضت ولجن ما درت اليا صوب متعني الجدم
ويمكن عباة ام الخدر لاحتهه نار من الخيم
معناهه منظرهه صعب من اعتنت راعي الشيم
صاحت يعباس الكمر حجب خواتك بالعلم
ذبحوا خدر زينب ضايع قدر زينب
تطلب ستر زينب آيا قلب زينب
تروح وية العدوان لو تركض وي النسوان
****
لو شافها حسين الظهر جا ماعرفها زينبه
من راسها لحد الجدم من العجاج متربة
بدخان نيران الخيم ذاك العفاف شغيبة
وتصيح كوموا يخوتي بيكم جنت متحجبة
تغير رسم زينب تبدل اسم زينب
بولية زلم زينب آيا قلب زينب
تنطر تجيها الوليان لو تركض وي النسوان
ليست هناك تعليقات:
إرسال تعليق