يوليدي عنك يناشدني المهد
بسهم من كطعو وريدك كطعو بتوت الامل
مثــــــل دم نحرك ييمه دمعي لغيابك همل
حجري يسأل وينك انته والمهد عنك سأل
وآنه احس كلشي يكلي وين عبد الله رحل
يوليدي شتحمل وشصبر بعد يوليدي عنك يناشدني المهد
من كثر ما يجري دمعي نشف جفني من الدمع
وعاشـــــرت بعدك ونيني وصارت الونه طبع
فرع من شـــــــجرة محمد وانكطع ذاك الفرع
انته صاب السهــــــم نحرك وآنه محنية ضلع
يوليدي بليلي جنت نجمة سعد يوليدي عنك يناشدني المهد
شكثر لوليت اعله مهدك وشكثر يـــبني اسهـرت
وصار ست اشهور عمرك كمر بعيوني صــرت
من عطش كلبك ييمه والله حيره اتحــــــــــيــرت
ولون ادري تموت ضامي جان لعيوني اعصرت
يوليدي ماترجع لأمك بعد يوليدي عنك يناشدني المهد
مصيبتك يابعد روحي فطرت جبد الســــمه
رحت للجنه وعفتني للنياحه محــــــزمـــــه
والده وتشوف ابنها مخضب بفيض الــــدمه
الموت اجاك بزغر سنك مثل محسن فاطمه
يوليدي بالجنه وياك الوعد يوليدي عنك يناشدني المهد
دوم اسولف بيك يبني وعدل يمي اتصورك
شمايمر اليل بيه ليك احـــــن واتـــــذكــرك
يبني كل ساعه اكولن يرجــــع واتنــــطرك
لو عدل عباس عمك منهو يكطــــع منحرك
يوليدي عمك تصوب بالعمد يوليدي عنك يناشدني المهد
خادم الحسين (عليهم السلام)
كرارحسين الكربلائي
ليست هناك تعليقات:
إرسال تعليق