من اليسر رديت الك بظعوني = گوم ياعباس شوف أمتوني
من اليسر رديت وتأمل چــــــــنت
تگوم من گبرك يبوفاضل گلـــــت
باليس ياخويه چم لوعه شـــــفــت
وليك اجيت اشكي بدموع اعيوني
گوم ياعباس شوف أمـــــــــــتوني
***************************
من شفت گبرك يسبع الگنطـــره
هاجت احزاني ودمع عيني جره
تدري يا عباس رحت اميســــره
وعگب عينك عل الهزل ركبوني
گوم ياعباس شوف أمـــــــــــتوني
***************************
خويه لمن ركبوني عل الهـــــزل
للنهر صديت ودموعي تهـــــــل
شلون ترضه شيمتك يابالفضـــل
بلسياط اعداكم ايضربونــــــــــي
گوم ياعباس شوف أمـــــــــــتوني
***************************
اوچبت يم گبرك ودمعي يسيــــــــل
وما اريد اعتب يعباس الچفيــــــــل
والنعم منك يبن حامي الدخيـــــــــل
بيك چنت امدللـــــــــه ايعرفونـــي
گوم ياعباس شوف أمــــــــــــــتوني
*****************************
گوم طر گبرك يبن حامي الحمـــه
وشو فاديه من الحبل تگطر دمــــه
سمه اعيوني عليك تدري امغيمـــه
وبد ما طبگت يخويه اجفونـــــــــي
گوم ياعباس شوف أمـــــــــــــتوني
****************************
ليك اجيت وبا الگلب يلهب جمـــر
وگلت ليه اتگوم لمن بيك امـــــــر
شلون عني ايحجبك اتراب الگبــر
ونته تدري اليسر غير لونــــــــي
گوم ياعباس شوف أمـــــــــــتوني
***************************
برايتك ياخويه جيت امگبعــــــــــه
وجري يم گبرك ادموع الفاجعــــه
انه ادري چفوف اديكم امگطعـــــه
لچن ماترضه العده يسبونـــــــــــي
گوم ياعباس شوف أمـــــــــــتوني
****************************
ياعمد خدري ويضنوة والــــــــــدي
شلون اعوفنك وردن وحـــــــــــدي
لون حادي الضعن بظعوني ايحدي
شگل للناس الذي اينشدونــــــــــــي
گوم ياعباس شوف أمـــــــــــتوني
***************************
خلني يمك يا گمر هاشــــــــــم اون
وبكتر گبرك اهل دمع الحــــــــزن
كون ياعباس يمك اندفــــــــــــــــن
وطبگ بكترك يخويه اجفونــــــــي
گوم ياعباس شوف أمـــــــــــتوني
***************************
مسلم محمد السماويش
ليست هناك تعليقات:
إرسال تعليق