موعجبه دمع العين ***** لوجرح الخـدين
مات الرضا مسموم ***** وابجي عليه ادموم
=========
إحساس الحزن سيطر على روحي
وبدمعي تشاهد قسوة اجروحي
أنوح اعلى الرضا اوماينقطع نوحي
والفرقاه من جفنـي انتثـر مـوحي
بالسم دليله ذاب ***** وانفجعت الأحباب
غاب الكرم هاليوم ***** وابجي عليه ادموم
==========
يهل دمعي جمر من عين سهرانه
سمي المرتضى فارق الدنيـانـه
مابين الجروح الصعبه خلانـه
اويلجمها الوكت كل ساعه باحزانه
سلطة بني العباس ***** سمت أبو النوماس
مارحمته هالقـوم ***** وابجي عليه ادموم
===========
على سبط الرسول الحسره أبديها
ولا أقدر حسرتي ابقلبي أخفيـها
وسف بالسم جبدته العده اموذريها
هالمأمون من حقـده فتك بيهــا
اومن غدرة المأمون ***** ظل قلبي بس محزون
واعلى الرضا مهظوم ***** وابجي عليه ادموم
============
جبدتي انطيها فدوه الجبدته التـرفه
ولانجل السجيـن ايمـوت ياوسفـه
طبيب اجروحي راح اوروحته كلفه
اوإذا راح الطبيب الجرح مايشفه
واسمع نداء الروح ***** مجروح انا مجروح
عزي سقوه اسموم ***** وابجي عليه ادموم
===============
تلوعنه ابمصيبة ضامن الجنـه
اوأرض طوس ابغيابه تجذب الونه
اومن ارض المدينه الزهره تتعنه
لابنها تريد هالساعه اتحضر دفنه
ابجفها الجنازه اتشيل ***** والدمعه تجري سيل
ذكرت ضلع مهشوم ***** وابجي عليه ادموم
=============
حبيبي المايرد عناي لوجالـه
نفخ صور الرزايا اوعلن آجاله
اندفن محبوبي بالغربه اوصعب حاله
وبومحمد صفات الكرم منـواله
تشهدله مشهد صار ***** مايرد أبد خطار
يلجأ له كل محروم ***** وابجي عليه ادموم
================
ليست هناك تعليقات:
إرسال تعليق