عمه يا عمه… عندي وصيه
يم ابو اليمه... ذكري رقيه
گليله يحسين.. ماغمضت عين
بنتك رقيه
*********************
من رجعنه. بالظعينه. وخلصت ايام السبي وذيج الليالي
حاوطتني. ذكرياتي. ومرت اجروح اليسر كلهه بخيالي
دمعي يجري. محني ظهري. والسهر بالشام غير حتى حالي
روحي ذابت. عيني نامت. وبحلم جني شفت بنتك يغالي
خويه شبكتني… ودم تجري العيون
ابجي خلتني… وصاحت لترحون
وين السفر وين… ماغمضت عين
بنتك رقبه
*********************
من شفته. شاركتهه. بالحزن ودموعي صبن وي رقيه
يا عضيدي. لزمت ايدي. وبالحلم وصتني يحسين بوصيه
هي تحجي. وانه ابجي. عمه گالت لو وصلتو الغاضريه
ارد احلفج. واعله بختج. والدي تحجيله ظيم المر عليه
عمه گليله... ما انسه نحره
لو وصلتيله… بوسيلي گبره
وبگلبي جرحين..ما غمضت عين
بنتك رقيه
*********************
بالمصيبه. ياغريبه. اخذي ثوب الحرگته النار وجواني
يالعقيله. واشتكيله. عمه من جرح الحبل ظليت اعاني
ربي يشهد. متني اسود. والظربني ما رحم حالي وسباني
وانه طفله. ونوحي گله. ما كسر خاطرهم النوح وعماني
ساهرت ليلي…وعيوني تشتاك
ونهدم حيلي.. ما احمل افراك
ابديلك منين...ما غمضت عين
بنتك رقيه
*********************
والهظمني. حلفتني. بداعت الزهره وظلعهه وكل سبيهه
كون اخبرك. واعله گبرك. احجي عن ليل الخرابه وعن بجيهه
ويه الايتام. ديرة الشام. خويه اصعب كل جرح جانت عليهه
هدمت الحيل. تسهر الليل. تون وبظربة حقد ظالم يجيهه
گلبي يا مظلوم… يشتد عذابه
تسهر بكل يوم… ليل الخرابه
تجويهه نارين… ما غمضت عين
بنتك رقيه
*********************
حن گلبهه. والظربهه. بالطشت جابلهه راسك يجري دمه
بويه صاحت. يمه طاحت. شبگته وملهوفه يحسين وتشمه
بالظليمه. هاليتيمه. سكتت وگلبي انفجع وانهار عزمه
والجرح زاد. علي السجاد. اختي ماتت صاح شيليهه يعمه
گطعت الأنفاس… هاي الغريبه
ماتت اعله الراس.. خويه بمصيبه
حد ساعة البين… ما غمضت عين
بنتك رقيه
*********************
ودعتهه. وادفنتهه. بالخرابه وجيتك بيوم اربعينك
وانته تدري. قاسي دهري. ولرقيه الدنيه حزنت من ونينك
والمنيه. موبديه. ماتت بحسرتهه من فگدت حنينك
وبگبرهه. يا ذخرهه. ادري راح اتهظمك وتحرسهه عينك
حگهه لو ماتت .. والدهه مذبوح
بالألم عاشت… وبأصعب اجروح
صابنهه سهمين… ما غمضت عين
بنتك رقيه
*********************
تمت بعون الله كربلاء المقدسه
4..11..2014
ليست هناك تعليقات:
إرسال تعليق