الوداع يا حبيبي يا حسين
كلمة مني تختصر كل الرواية
باجر احنه ننذبح وانتوا سباية
***
هذي اخر ليلة انا وياج يختي
والذي خافي تشوفينه بنظرتي
باجر تشوفين بعيونج ذبحتي
من اروحن سامحيني وابري ذمتي
حكمة الله استوجبت هاي النهاية
باجر احنه ننذبح وانتوا سباية
***
يختي غطي بجفج عيون اليتامى
لا يشوفون شحصللي من ظلامة
راسي يبقة اعلة الرمح وبلا عمامة
والخيول على الجسم تطحن عظامة
هذي يازينب ترة بس البداية
باجر احنه ننذبح وانتوا سباية
***
يختي باجر من على التل تنظريني
لا تأشريلي وتزيديلي ونيني
ما اجيلج انا كون انتي التجيني
لو وصلتيلي بعباتج ظلليلي
تنظرينه بهالشمس كلنه ضحايا
باجر احنه ننذبح وانتوا سباية
***
لو وصلتوا للذي على النهر واكع
لا تلجمونه وتكلبون المواجع
لا تروحون وتكشفوله المقانع
لا يشوف بخدكم اثار الاصابع
الي شافة من العتب بيه الكفايه
باجر احنه ننذبح وانتوا سباية
***
ليست هناك تعليقات:
إرسال تعليق