يا نبــــــــــض دلالي
كَوم
شاهـــد حالي
يخو زينب..يخو زينب
٭٭٭٭٭٭٭٭٭٭
بين عاشور الهضــــــم والاربعين
عودت زينب جــــرح ينزف حنين
سنين ﭼـانت آمنــــه بذخر السنين
وهسه لاعباس عدهه ولاحسين
تنادي هاي اضعوني
يا دلــــــــيل عيوني
يخو زينب ... يخو زينب
*****
على اعتاب الغـاضريه نادته
وهوت يم كَبـــره تشم بتربته
هذا ضعنك كَــوم شاهد حالته
وانشد اﭼـفوف العليل وونته
بيا يســــــــر حدّينه
ويا الــــــــــم ردينه
يخو زينب ... يخو زينب
٭٭٭٭٭٭٭٭٭٭
يبو فاضل جبت دمعاتي عذر
الك ياحامي الضعينه والخدر
بعد عينك فتشت عين اليسر
رغم عني عفتك بزجر الشمر
والكَطــــــــع ﭼـفينك
حال بينــــــي وبينك
يخو زينب ... يخو زينب
*****
يبن حماي الحمه وملـــفه الدخيل
ويا بدر ليلي مشيت بـــــــــلا دليل
تكفلت بيتام وانــــــــــــا بلا كفيل
وبعليل اهمـــــــومي انظر للعليل
كَيدو ﭽـفـــــــــينه
وجرت بالدم عينه
يخو زينب ... يخو زينب
٭٭٭٭٭٭٭٭٭٭
امسى صيوان المكــــارم للئيم
والخيام بنار عــــدوانك حطيم
رحت عنك دمعه بعيون اليتيم
من اديك الايد شامات الزنيم
تلوذ بيّــــــه عيالي
وبيها لاذ خيـــــالي
يخو زينب ... يخو زينب
********
بشيمتك ياحيد ﭽــــــــــنت مخـــــدره
ابفيّ وجودك حسره ضلي اعله الثره
شلون لن امشـــــــي خويه ميسره
آه ياعباس سبــــــــــــــــع الكَنطره
من بعــــــد ولياني
تحدي بيه احزاني
يخو زينب ... يخو زينب
٭٭٭٭٭٭٭٭٭٭
حدت خطواتي يتــــامه بلا أهل
وعين عدواني سهام من الاجل
شلون اعوفك خــويه لا اكَدر اظل
لايصح حامـــي يبن خير العمل
وانه بت حــــــــاميها
والكَمـــــــــــر واليها
يخو زينب ... يخو زينب
*********
ليست هناك تعليقات:
إرسال تعليق