رد عـلـيـه رد عـليه...بويه هاي آنه الزجيه
يـا هـو الـيسكن عبرتي...بعدك و يمسح دمعتي
بـويـه حـاجـيـنـي يبويه زهرتك آنا الحبيبه
لا تـخلي إدموعي تجري من دمه إعله الخد سجيبه
لا تـغـرب عـن عـيوني ما لي حيل إلها المصيبه
لا تـخـلـيـني إبوحشتي إمدوهنه و جني غريبه
يـا بـلـيـه يـا بـلـيه...بعدك أبقه اليا بليه
لا تـحـيـرنـي إبزماني...بعدك إشقد راح أعاني
يـا قـمـر روحي و دليلي و بسمة إعيوني تلالي
والـدي إويـا تاج راسي و يا لهفتي و كل دلالي
يـا أعـز الـنـاس إنـت بـويه حاجيني يغالي
لا تـيـتـمـني إبشبابي إمنين ليل الشوم إجا لي
إبـيـا رزيـه إبـيا إبيرزيه...راح أظل إبيا رزيه
يـا دلالـي و يـا عـزتي...إقعد و إسمع صرختي
يـا مـن إفـديـتك حياتي يا أبو النفس الكريمه
إشـلـون تـرضـاها يبويه أبقه من بعدك يتيمه
بـلـوة إمـصابك دهتني عالقلب و الله عظيمه
بـويـه و بـقـلبي المصيبه موجعه و كلش أليمه
حـسره بيه حسره بيه...لش وكت هالحسره بيه
دهـري بـمصابك ولاني...إبيا رزيه و هم بلاني
إنـت كلشي إبعمري إنت إنت سجداتي و صلاتي
إنت بويه إحجاب راسي و شيلتي و ستري و عباتي
عـنـي لـو تـرحل يبويه شلي جا بعدي إبحياتي
لـو رحـت مـن بـين إيديه يحله من بعدك مماتي
و الـمـنـيـه و الـمـنـيه ...بعدك أتمنه المنيه
إنـت بـيـتـي و عمد بيتي...بعدك أتمنه منيتي
لـيـلـة إوداعـك يـبـويه ليلة إهموم و مخيفه
يـالـعـفـتـني إبضيم همي ويه ناس المو عفيفه
نـاس مـا عندهم عقيده إدينك و لا هي شريفه
بـعـده جفنك ما غمضته و لنهم إبذيج السقيفه
و الـوصـيـه و الوصيه...بويه خانوها الوصيه
بـويـه يالعطفك غمرهم ...تالي جازوك إبغدرهم
ليست هناك تعليقات:
إرسال تعليق