نمشي درب حســـــــــــــــــــين ميردونه
ولله يازهــــــــــــــــــــــــراء لو كَطعونه
٭٭٭٭٭٭٭٭٭٭
وحكَ ضلعـــﭻ فاطمه وجرح الكسر
وحكَ يوم امصابـﭻ وضيم العصر
احنه انصــــــــارﭺ نظل بكل دهر
والله مو منّـــــــــه الذي يردونه
٭٭٭٭٭٭٭٭٭٭
يبقه حب احسينـﭻ بنبض الكَلب
هذا خطنه ومانزل عن هالدرب
واليريد المكرمه يهـون الصعب
وهذا شراي العهـــــــد تدرونه
*******
عهد من دمنه نخــــــــط هذا القسم
والاجساد اتصــــــــير برهان وعلم
شفنه ﭼم ارهابي ﭼم طاغي والم
وابد ذكر حسيــــــــــــن مانسونه
٭٭٭٭٭٭٭٭٭٭
من ينسينه ومحـــــــــــبته بالدمه
والنبض يهتف يبن حامي الحمه
هاي شيعه اعله الشهاده معلــمه
ونطلب المـــــوت الذي يهابونه
٭٭٭٭٭٭٭٭٭٭
مايمنعونه ابد خطــــــــــنه انعرف
والله بالتفجير حصّــــــــلنه الشرف
علم عد اعدانه من ســـــابق سلف
ابصفحة التاريـــــــــخ من يقرونه
***************
احنه للازمان خطـــــينه الحروف
احنه عن حسين ماردانـــه خوف
احنه بدمانه ثلمنــــــاهه السيوف
وهالدرب شاهــــد يظل مضمونه
ليست هناك تعليقات:
إرسال تعليق