يبني يبني يا شهيد الباب معصوم
يبني يبني المات بين حشاي مظلوم
***
اول شهادة الكون يشهد بيها
وبدمه باب المصطفى محنيها
لو ما علي وروح الصبر ينطيها
لهل السقيفة حل غضب باريهه
لجله لجله والقيامه كادت تقوم
***
اول جريمة ضد علي ارتكبوهه
ولباب بيتي بنارهم حركوهه
وانا وراهه بلا خجل دفعوهه
رادوها ضد حيدر حرب رادوها
طفلي طفلي من حياته يموت محروم
***
لليوم للمحسن دمع بعيوني
وعداي من ثالث سبط حرموني
من ورث ابوي بلا ذنب منعوني
وبسوطهم فوك الوجه ضربوني
ضلعي ضلعي والضلع مكسور لليوم
***
للمحشر ويشكي الضلع بسمارة
والباب تسري وما طفت بي ناره
وابني الشهيد المحسن اطلب ثارة
من العصابه الكافرة الغدارة
منها منها والسقيفة الدين مهدوم
***
الام للمحسن بقت مشهودة
واثارها بهذا الزمن موجودة
اهل الغدر باثامها المعهوده
ما خلوا الشيعة تشم ورودة
دمه دمه عالارض لليوم مرسوم
***
موتك حرب ضد الرسول وبيته
يالمحسن وبعدك بعد قدسيته
هانوا حرمته وحاربوا قدسيته
والشيعة ثارت لا تظن ناسيته
ثارك ثارك بيد مهدي العصر محسوم
***
لحسين ردتك عون يوم طفوفه
لو دار عينه وراد اخوته تشوفه
ردتك يمحسن سيف من سيوفه
عالباب ميت ما حسبت تعوفه
قسمة قسمة تموت قبل حسين مقسوم
ليست هناك تعليقات:
إرسال تعليق