اسولف وي روحي واسرع بممشاي
اكول اخوان عندي وهسه يتنوني
وصلت لكربلا شو ما شفت خواني
لاكاموا اليه ولا تلكوني
صحت بصوت عالي حسين يا عباس
اختكم انه زينب ما تسمعوني
انا بحال اليسر باليسر شفت الضيم
جا حقكم يخوتي ما عرفتوني
مو زينب اجيت ولا عقيلة ال هاشم
لا خدر لا شكل لا لوني
كبل زينب جنت من عباس
وهسه ام المصايب انا سموني
اذا اعتب عليكم حكي يالخوان
هذا عتاب خوة ولا تلوموني
ما عفتك تراني ولا عفت عباس
وحاشاكم اكولن انتوا عفتوني
رحت عنكم غصب مجبورة لرض الشام
حسافة على الهزل يحسين ركبوني
صح عنكم مشيت بجسد مابي روح
بس ظليت روحي يمكم يا ضوة عيوني
ليست هناك تعليقات:
إرسال تعليق