هاي لوعتنه الحزينه ... بأربعينك يا ولينه
واحسيناه واحسينـــــــــاه
٭٭٭٭٭٭٭٭٭٭
يازمن اسمع ندانه
هـــــذا يوم الاربعين
الحجر حن وتصدع من
سمـع هذا الانين
هاي رايتنه الحزينه
اعتنت سبط الامين
هذا يوم الجعفريه
وكلهه تهتف ياحسين
احنه انصارك وجينه
بأربعينك ياوليــــــنه
واحسيناًه
واحسينـــــــــاه
*****
عالجدم نسعه واملنه ابســـعينه نصرتك
والشهاده ياضمدنه اغلـــه غايه لشيعتك
غايه لو دمنه تسايل وانخلــط وي تربتك
بلكن بدم الوريد اليــــــــوم نوفي محبتك
وكل صدر ردد حنينه
بأربعينك يــــــاولينه
واحسيناه واحسينـــــــــاه
٭٭٭٭٭٭٭٭٭٭
شلون نوفي ياحسين لــدمك وجرح النحر
كلشي جدامك قليل ومــــــــــاوفاكم يافخر
شيدت دين الوجود بدمـــــك وبيك انتصر
شما نقدملك يغالي الوفــــــــه قطره ابحر
ويا جزاء مقدمينه
بأربعينك يـــاولينه
واحسيناًه واحسينـــــــــاه
****
وصفحه من هالتضحيات ابها السبايا واليسر
من بعد فكَدك يوالــــــــــــي لابد اتأدي
النذر
شاءت الحكمه الجليــــــله وانت اديت الامر
ياعظم ذاك الفداء وياكَــــــــــــدر هذا
الخدر
وياهضم متحملينه
بأربعينك ياوليـــنه
واحسيناً واحسينـــــــــاه
٭٭٭٭٭٭٭٭٭٭
شلون يوم ايمر علينه ضـــاعف امصابك الم
يوم ردت هالفواطم الك ياوالي
الحــــــــــــرم
وحده تصرخ ياحسين وحــــــده ياراعي العلم
وحده تلطم عالرضيع الصــوّبه بنحره السهم
بذيـﭻ ونتهن اجينه
بأربعــــينك ياولينه
واحسيناً واحسينـــــــــاه
****
عادن وزينب تنـــــــــــادي آه يا وادي
الطفوف
عفت اخوتي اعله التراب شراح برحابك اشوف
من يدليني عليهن وين مدفـــــــــــونه
الـﭼـفوف
وين ابو فاضل كفيلي يكَــــــــوم يتلكَه
الضيوف
والنبض يهتف انينه
باربعينك ياولـــــينه
واحسيناً واحسينـــــــــاه
٭٭٭٭٭٭٭٭٭٭
ليست هناك تعليقات:
إرسال تعليق