انتظرك تعود بالراية والجود
من جيتك لو تعتذر يعباس يعباس
ظهري بوداعك ينكسر يعباس يعباس
****
يبوفاضل اذا تعلم تروح وما الك جية
احسبنه ما طلبنه الماي ولا هم جبنه طارية
يعيني البيها اشوف النور كلي أشألك من نية
ارحم قلب اخوك الذاب وضلوع اختك المحنية
من الامل خاب راس القلب شاب
وعيوني تبجيك بجمر يعباس يعباس
ظهري بوداعك ينكسر يعباس يعباس
****
ونين اطفال من الخيام يعلى ومنهو اليسكته
شفت زينب تهل مدمع غريب بعمري ما شفته
تشوف بايدي مهر الموت لخوها شلون جدمته
وتعلم بالقمر لو راح تروح وياه روح اخته
محنية الضلوع وتهل الدموع
خلص من الحرة الصبر يعباس يعباس
ظهري بوداعك ينكسر يعباس يعباس
****
ايدي على الظهر ياخوي وظني بهالامر تدري
بس ما توكع على الكاع مني ينكسر ظهري
واذا انت الجبر وتروح بيمن ينجبر كسري
ويا سور الخدر كل خوفي عكبك ينهتك خدري
عند خبر زين من تغمض العين
بالنار خدري يستعر يعباس يعباس
ظهري بوداعك ينكسر يعباس يعباس
****
على الراية النظر مشبوح وخوفي عاللي شايلهه
وخوفي عليهه من تطيح يطيح وياهه حاملهه
وزينب من تسايلني دمعي موتك يكلها
وظهري من تشوفه يميل تعلم راح كافلها
مهمومة بالصار حدر الضلع نار
شيصبر اختك عالامر يعباس يعباس
ظهري بوداعك ينكسر يعباس يعباس
****
ليست هناك تعليقات:
إرسال تعليق