رجعت اليوم العقيلة هذي زينب من بعد غيبة طويلة هذي زينب
مانشوف وية الضعن ردت رقية بيا حزن ودموع نتلكة السبية
هذي زينب هذي زينب
****
المواكب خالتغمض عيونها وتنحني الهامات ويدنكونها
هاي زينب ردت وية ضعونها وعلي ما يبقل ترة تشوفونها
بت علي اتسمت غريبة ياحريمة وردت لكاع المصيبة يا حريمة
تختنك كلما دنت للغاضرية بيا حزن ودموع نتلكة السبية
هذي زينب هذي زينب
****
اليرد بعد السفر لديارة تبرد بشوفة هله كل ناره
ويلي زينب من اجت محتارة شافت شسوة الزمن واثارة
وين جفك يابوفاضل يعتنيها الوكت وياها مايل يعتنيها
لو شفتها شلون يالكلك حمية بيا حزن ودموع نتلكة السبية
هذي زينب هذي زينب
****
شما مشت خطوة تعد بايتامها تلمهم وتحسبهم بالامها
بس رقية الضاعت من احلامها وبقت بس اثيابها كدامها
زينب بحيرة وضعها وشتجاوب حسين لو عنها سئلها وشتجاوب
طفلة بالغربة تلاكت بالمنية بيا حزن ودموع نتلكة السبية
هذي زينب هذي زينب
****
النار يا زوار اي نطفيها بيها زينب تذكر المر بيها
تذكر الخيمة وحركها عليها واليتامى الهامت بودايها
كل جمر لو مر نظرها من تشوفه تذكر الحسرة وصبرها من تشوفه
النار وسط حشاها ما تبرد سرية بيا حزن ودموع نتلكة السبية
هذي زينب هذي زينب
****
من ترد زينب ترد احزانها والدمع بس الدمع عنوانها
اليبرد بالكلب نيرانها من تجي الزوار صوب اخوانها
ارفع الراية يزاير واعتنيها اركض لهاي المناير واعتنيها
هذا درب الفخر والكاع الابية بيا حزن ودموع نتلكة السبية
هذي زينب هذي زينب
****
ليست هناك تعليقات:
إرسال تعليق