بكل زيارة ادعي الكم الله ليضيع تعبكم
حاشا يكسر قلبي رب العالمين الجنة تحت اقدام زوار الحسين
***
انا ام المنذبح عطشان ابنها وعيني موكب ماي ينزل من جفنها
الله يرحم امكم ويرحم لبنها حب الحسين وخدمته كله منها
هيه واستني بعزائي وانا اجازيها بدعائي
ادعي يحشرها الله وية ام البنين الجنة تحت اقدام زوار الحسين
***
حسين عنكم قال انا سمعته مرة من يموت الزاير اول ليلة احضرة
عالقبر بيدي اخلي راية خضرة وسورة الحمدُ هدية لروحه اقرة
زاير ابني عندي غالي يمشي ايام وليالي
يدوس عالموت ويقول مقصرين الجنة تحت اقدام زوار الحسين
***
انتو مو من طين اصلكم من جفوني الله كلها لدمعتي مشاية كوني
يعني من تمشون لعيوني تجوني عندي يومية صفر عالفاركوني
حسيني وياكم اطوفه كبرة مشتاقة اشوفه
انا كل ايامي ياريت اربعين الجنة تحت اقدام زوار الحسين
***
صورة من فوك الرمح شافتهه عينه انتوا تتلكون زينب باربعينه
كون بيديكم تكودون الضعينة وهالسنة تصير الزيارة للمدينة
كلبي يا مشاية ذايب بالزيارة وبالمواكب
انا من قبري يعت بيه الحنين الجنة تحت اقدام زوار الحسين
***
انا يا زوار ارفع راسي بيكم والله كون يديم عالنعمة عليكم
عالسماء الكاع تتباهى بمشيكم وتفخر تقبل جدمكم مو اديكم
الجنة خالقها الله الكم مراد تاخذ من جدمكم
ادخلوها بسلامٍ امنين الجنة تحت اقدام زوار الحسين
***
ليست هناك تعليقات:
إرسال تعليق