هذا نعش الرضا تودعة الرافضة
شمس الشموس تغيب الليلة
***
سلطان الوجود وعرشة بالاحساس
رحل بس خله حزنه معاشر الانفاس
عليكم لعنة الله يا بني العباس
اسوأ امة انتم اخرجت للناس
من سلالة مضر ماتركتم اثر
واغدرتوا ثامن كوكب الليلة
***
كسر ظهر المنابر خبر توديعه
بجه شاطي السلام لبحر تشريعة
الولاية تيتمت واحتارت الشيعة
قران السماء اليوم تشييعه
دمعة الفاتحة عالنعش سافحه
فرض المناحة توجب الليلة
***
الرضا باسم الرؤوف الوادم توصفه
كريم وكل عطايا الناس من جفه
مات بغربة يا حيف والف وسفة
غريب وجمرة بكل روح ما تطفه
ثامن اهل الحجج جمرته بالمهج
باحسانه ظلت تلهب الليلة
***
محرم عالامام الرضا من يهل
عليه كل المصايب والرزايا تحل
ينصب مأتم وناعي الحزن دعبل
على جده حسين زمزم مدمعه يهمل
دمعته هامله فلفاجعة كربلا
مات على جده ينحب الليلة
***
دعبل بالقصيدة للرضا يقرة
بعاشور على خدها تلطم الزهرة
وانا اليوم اخبره الفاجعة الكبره
عمتك قبلت جدك على نحره
زينب على الهزل جتفوها بحبل
نذكر مصيبة زينب الليلة
***
تشيع وبخراسان اندفن جسمه
بس حسين محد ما حضر يمه
ثلث تيام ظل مخضب بدمه
آيحسين ومصابه شكبر همه
نبقى طول الدهر ننحب على النحر
والمهدي قلبه تعذب الليلة
****
ليست هناك تعليقات:
إرسال تعليق