هذا ضعــــــــــــــــن الفاطميه
اليوم رد للغـــــــــــــــاضريه
مظلومه يا زهراء ... مظلومه يا زهراء
٭٭٭٭٭٭٭٭٭٭
ابضعونـﭻ يالوديعــــــــــه عظم الله الاجر
هذا يوم الاربعين ومابعـــــــــد نحمل صبر
انعصر بالباب ضلعـﭻ زينب اشافت عصر
يوم راحت بالضعينه سالكــه دروب اليسر
بيا مأسي ويارزيه
راحت الحره سبيه
مظلومه يازهراء مظلومه يازهراء
****
شدي يابضعه اعله جرحـــﭻ واعتني طف كربله
صبّري دمعة سكينه وعينـــــــــــي بت عقد الوله
جاوبي عن علي الساجـــــــــــد لو حسين يسائله
وين يالبضعه رقيـــــــــــــــــه وليش ما ردت اله
آه يادمعـــــــــة رقيه
وياجراحــﭻ يالزﭼيه
مظلومه يازهراء مظلومه يازهراء
٭٭٭٭٭٭٭٭٭٭
الجرح يهده بضماده وجـــرحـﭻ اتضمده الدماء
وزادت الحره بهضــــــــــمها اعليـﭻ يم الاولياء
بعد ماذبحوا اهلــــــــــــــــــــــها ابوادي كربلاء
اعتنت مـﭼتوفه اديها بيـــــــــــد اشقه الاشقياء
الشمر حادي الضعينه
وصارم العبـاس وينه
مظلومه يازهراء مظلومه يازهراء
***
خلي كَبرﭺ يالوديعه واعتنــــــــــي ارض الطفوف
وناشدي ام المصايب ويــــــــــن راعيها الـﭼـفوف
طاح مرمي اعله الشريعه وصـــلت اعليه السيوف
وظل ابو اليمه وحيد اتعــــــــــــاينه بين الصفوف
ياهضمها ومـــــن يعينه
وبالسيوف مخـــــذمينه
مظلومه يازهراء مظلومه يازهراء
٭٭٭٭٭٭٭٭٭٭
ليست هناك تعليقات:
إرسال تعليق