بدموع الايتام ..
والالام .. اجـــــــينه الكربله
نحمل ارواح .. على الراح .. يبن عقد الوله
مشايه جينه ..
حسين
آيا ولينـــــه ..
حسين
نحمل ارواح .. على الراح .. يبن عقد الوله
******
جينه بأحزان
اليتــــامه والعليل
وبدمع زينب يبن
حامي الدخيل
انميل ما وين
الضعن بيهم يميل
انريد نشكي
اهمومنه يم الجفيل
يم الاجفوف ..
الاضيوف .. اجت تشكي اليسر
بجرح احساس ..
يعباس .. تنـــادي ام الخدر
بونتها جينه ..
حسين
آياولينه ..
حــــــسين
نحمل ارواح على الراح
يبن عقد الوله
*******
ياجفن يمنع
دمــــــــع ينزل جمر
وياجرح مولاي
ويضمده الصبر
هذا ضعنك عاد من
هضم اليسر
يريد يشكيلك على
زجر الشمر
من الاصوات ..
والاهــــــــات .. تفكَّد عيلتك
عنها من غاب ..
والاسباب .. تناشد شيمتك
من فاكَدينه ..
حسين
آياولينه ..
حـــــسين
نحمل ارواح على
الراح يبن عقد الوله
********
والد انت والاهم
انت الحــــسين
ومن حنينك فاض
عالدنيا الحنين
من يجاوب لو صحت
رقيه وين
ما سمعت الها
يزينب من ونين
تخبرك شلون ..
بالعــــيون .. يون كَلب الدمع
بعرصة الشام ..
على الهام .. نفذ خيط الشمع
ذاب بونينه ..
حسين
آياولينه ..
حـــــسين
نحمل ارواح على
الراح يبن عقد الوله
*******
سيدي ودمعـــــة
رقيه والالم
سيدي بالجود وجفوف
العلم
نقسم بدمك يبن
حامي الذمم
نصير كلنه النصرتك
كلمة نعم
كَلنه لبيك
.. نوافيــــــــــــك .. اهلنه والدمه
ننطي الايدين ..
ضوه العين .. عمرنه انقدمه
واشهد علينه ..
حسين
آياولينه ..
حـــــــسين
نحمل ارواح على الراح يبن عقد الوله
*********
لو خناجر سجتك
نفدي الركَاب
ومايردنه سيدي جور
وعذاب
ريت كلنه انروح
فدوه للركاب
الداسته اجدام
العليل بهالمصاب
نتبع اثار ..
الابـــــــــــــــــرار .. اثر يتبع اثر
نفدي الانحور ..
والاصدور .. رغم انف القدر
و لاما وفينه حسين
آياولينه .. حسين
نحمل ارواح على
الراح يبن عقد الوله
ليست هناك تعليقات:
إرسال تعليق