للمسوم نجري العبره.......بدمع العين نواسي الزهره
لمولانا الرضا اليله ........ دموع العين نجريله
للمسموم نجري العبره
ـــــــــــــــــــــ
اجريله الدمعه امن اعيوني......... ويتالم دلالي بهاي
ومن ينزل دمعي اعله اخدودي............. اشعر يتكلم وياي
يكول اليله مصاب الغالي............. ابجيني ابدم موبس ماي
وايسيل ا بحركه ويجويني ........... دمعي ايصب دم لمولاي
لاجلك دوم تهمل عيني ....... ولأهل البيت افدي اسنيني
اليله اعيوني ابجيها ........وعلى المسموم اعميها
للمسموم نجري العبره
ــــــــــــــــــــ
اليله الدمعه تسولف عنه.......... واتوصف حزن المسموم
والغربه اشلون اتحملها......... ومن مات محسر مظلوم
وشوغات الدمعه النجريها............ تتكلم عن ظلمه اليوم
يابو محمد لاما ننسه......... لوعات امصابك للدوم
بذكرك دوم ينزف دمعي.........ما انساك وافوفي بطبعي
سلامي يحمل آلآمي..........ادزه لشخصك السامي
وللمسموم نبجي بعبره
ــــــــــــــ
ارسلك من حزن المدمع........حصرة روحي الماتنساك
وتجويها الحركه وتتلوع........لو فد لحظه يمر ذكراك
تتأسه الجبدك التوزع.......... من رديته وياه ادماك
شيب راس الطفل اليرضع........يابو محمد من بلواك
اليومك دوم زايد نوحي..........وماتنساك وتمل روحي
ينعاك الكلب دامي........ بسوادك اصبغ ايامي
للمسموم نجري العبره
ـــــــــــــــــــ
يلحاظر ويانه وتسمع ............... وجيت اتواسي بهذا النوح
عن ساكن طوس امن اتلوع .........اشلون ومن فارك هل روح
ومن تسمع خل عينك تدمع........ وانحب من خاطر مجروح
الصك للجنه مايتوقع.......... اله امن احسين المذبوح
اليله احسين ابدمع احزانه......... علـ مسموم يبجي ويانه
وردت ليلة العاشر.......وعباس البطل حاظر
عل مسموم نجري العبره
ـــــــــــــــــــــ
علون والدمعه اتعلمنه........ وصارت تعرفنا الآهآت
وفكد اهل البيت يألمنه......... ويشعل بالنار الدمعات
منمل ونوالي ويفهمنه........ الحاظر وال عل مبدأ مات
ومانرجع عن حب العتره....... ومنتوب ومنمل هيهات
واخدم دوم واوفي بعهدي.......وانطر يوم جيت المهدي
ونرثي خاتم العتره........ ونرجه الواحد يظهره
وعل مسموم نجري العبره
ليست هناك تعليقات:
إرسال تعليق