بعيني من شفتك طحت = يبني ياجاسم صحت
رتك العمري ذخــــــر = بعد ماريد العمــــــر
يبني ياجاسم صحت
000000000000
چنت احسب عمرك ايام وليالـــــــي
وحلم عرسك يبني مافارگ خيالـــي
حسبت كل شي اشوفنه يغالــــــــــي
يبني بس فرگاك مامر عل بالــــــي
راح كل تعب السنيـــن = وظل الي بس الونين
والدمع يمطر جمــــــر = بعد ماريد العمــــــر
يبني ياجاسم صحت
000000000000
انظر الوجهك چنت وحلم يجســام
تردلي سهر اليل يبني وتعب الايام
راح كل تعب التعبته وذيچ احـلام
وليلة الحنه ييمه عيونك اتنـــــــام
ياغصن عمري الذبـــل = وگَطع اهروشه الاجل
ايظمني ياريـــت الگبر = بعد ماريد العمـــــــر
يبني ياجاسم صحت
000000000000
فصلت بدلة زفافك تدري بيــــــه
وحنتك يبني دفتها انه بديــــــــــه
رحت عني وچنت اظن اترد اليه
وللوطن نرجع يبعد مك سويــــه
شلون اعوفك بالفلــــه = وهجرك انه اتحملـــه
انچان بيه ماتمـــــــر = بعد ماريد العمـــــــر
يبني ياجاسم صحت
00000000000000000000
من اودعك عمري كله اوياك اودعه
ياغصن عمري السگيته دمعه دمعـه
والله مر فرگاك وانه اشـلون اجرعه
وبعد يبني صدگ صوتك ما اسمعـه
شلون يا حلم الامـــــس = تظل نايـــــم بالشمس
من عگب ذاك الصبـــر = بعد ماريد العمــــــــر
يبني ياجاسم صحت
00000000000000000000
اوحيد وماعندي غيرك تدري ثاني
گبل يومك ميته يا جاسم عسانـــي
چنت اعد ايام عمرك بالثوانــــــي
وتالي منك يبني يحرمني زمانــي
طاح گلبي بطيحتــــــك = وراح عمري بروحتـك
شلون كسري ينجبــــر = بعد ماريد العمــــــــــر
يني حگي عليك دمع العين اهله
والونين اخلاف عينك ما املـــه
من يسدهه وخلتك يايمه خلـــــه
شلون فگدك لورحت باچر احمله
وشيظل عندي بعـــــد = راح اروحن بس جسد
وماايظل عندي صبر = بعد ماريد العمـــــــر
يبني ياجاسم صحت
000000000000
لويطر باجر يبعد امك صباحــــــه
راح من عگبك اظل بس للنياحــــه
شلون گلبي ايهيد من ونه وصياحه
وبعد يبني لاتظن ايشوف راحــــه
ياتعب عمري المظه = عمرك بسرعه گظه
يبني تعبني شكثـــــر = مبعد ماريد العمـــــر
0000000000000000000000000000
بعيني من شفتك طحت = يبني ياجاسم صحت
رتك العمري ذخــــــر = بعد ماريد العمــــــر
يبني ياجاسم صحت
888888888888
مسلم محمد السماوي
ليست هناك تعليقات:
إرسال تعليق