هّلله هلّله شهل المصيبة هذي زينبكم غريبة
واويلا واويلا
***
هاي زينب يا هضيمة على الهزل شجاية
وين هاشم عن ضعنها والشمر عناية
وينه الي تكفل خدرها ويمها شد الراية
كلها يا زينب اطلعي هالضعن بحماية
وين ابوها من سبوهه وصارت بحالة رهيبة
***
شلون مهضومة العقيلة ويجري دمع عيونهه
تنسبي الوالدهه حيدر والعدة يشتمونهه
صعبة يهل الغيرة والله محيرة تعيفونهه
محد يرد الشماته حين الي يشتمونهه
يا حريمة بهالهضيمة سلوة الهادي وحبيبة
***
يا كفيلي انا الوديعة تشمتت بغيابك
وسفه شمر الي شتمني ولا يحسب حسابك
عندك تمنيت اصيح والتمس عند بابك
ادري بس تصد عليهم خوية كلهه تهابك
خوية تدري دمعي يجري والكلب يسعر لهيبة
***
وين عنها بدور اهلها بت علي مرعوبة
عالهزل مسبية تمشي وبالخدر مهيوبة
وسفة اخت عباس تمشي وبالحزن محجوبة
عالرمح راس الكفلها وبالسهم مصيوبة
يا وليها صد عليها والصدر سكت نحيبة
***
يا علي اسروهه بتك بيا ذنب مطلوبة
مخدرة هاشم سبية وعالمتن مضروبة
شامت اليحدي بضعنها زينب المهيوبة
روس اهلها على الزماهر للنظر منصوبة
***
تمشي وعيون الشماته تضحك لبلواها
هيه مهظومة وحزينة على الرمح رجواها
والشمر كلسا ينادي بت علي جبناها
حسين وينة ووين ابوهه ووين راعي لواهه
ليست هناك تعليقات:
إرسال تعليق