غريبة وحايرة غريبة وحايرة
****
هذي ستر الله هيبة علي هيبتها
زينب واقدس من العرش دمعتها
تبجي محد سمعها وحضر نخوتها
كوموا يخوتها زينب تريد اخوتها
بحزنها مكدرة غريبة وحايرة
****
جني اسمعها تبجي ودمعها بعينها
آيزينب يزينب اخوتج وينها
ليش بالغربة اهل الوفة مخلينها
شحال يازينب ما بينج وما بينها
وسف بت حيدرة غريبة وحايرة
****
تفرك بجّفها وتنادي يهل الغيرة
اخت ابوفاضل شلون تصير بحيرة
بديرة هيه واخوها الكفيل بغيرة
بلهفة للغاضرية نظرها تديرة
يسبع القنطرة غريبة وحايرة
****
يا وكت بت علي حايرة وتتأمل
يا دهر كافي مابيها ما تتحمل
يكفي بس وكفت ام المصايب عالتل
يكفي مسبيه عالهزل بلا محمل
مشت متيسرة غريبة وحايرة
****
ليست هناك تعليقات:
إرسال تعليق