ثلث سنين عمرج وهنه ثلث سنين
اذن لو جان ضعف العمر شتتسوين
يهدولج العاب بلاية روح الناس
وانتِ بدالهه بنية وولد تنطين
عنوانج شمس والناس رايح جاي
وخيرج يمد روحه لكل مكان وحين
وبابج ما يرد طلاب لو مطلوب
حتى الجايلج من غير ملة ودين
ماتصعب عكد بجفوفج الترفات
بيدج تحلين وبيدج تشدين
عودت الجروح الجمهن بطرواج
وبكل الصور بس شايفج تبجين
مامرت عليج حجاية الاطفال
راويني ارد اشوف شلون تبتسمين
ليست هناك تعليقات:
إرسال تعليق