ردت للخيام تصيح ياربي ارحم احوالي
وسلملي عديل الروح شبه المصطفى الغالي
لله توجهت والعين تدمع والجبد حراك
ومدت ايد لله وايد بيها تكفكف العبرات
صاحت لا تخيبني وصارت تجذب الحسرات
يربي لا تخيبني ورجع ثمر دلالي
بجاه الي انطبر راسه وطاح بمسجد الكوفة
وبحسين وعطش جبدة وبالعباس وجفوفه
سلملي بدرسعدي خله يعود واشوفه
يربي لا تخيبني ورجع ثمر دلالي
ودخلت لخيمتها الحزينه
وتوسلت لله بحبيبه...
نزل من فوك مهره وكعد عنده
وسالت دمعة عيونه على خدة
لقاه يسيل دم راسه على خده
يا هالناس انا الولد ربيته
ومن صدري الحليب الصافي رضعيته
جنت بالليل اسهر بالوله يمه
واحط ايدي على ايده ونحره اشتمه
وافز لمن يفز واندهله ها يمه
وجم مرة المهد للصبح هزيته
يملي البيت جان وليدي الاكبر
وظليت انتظر لمه الولد يكبر
بس لمن كبر القاه يتوذر
ومن كل كتر دمه يسيل نظريته
تدرون الظنه على امه شكثر غالي
صدك راح الولد بس صورته ببالي
راح الي بنيت عليه امالي
ووسط الخيمه يمشي كبالي خليته
ودعته وداع الما ارله رجعه
وصعبه الام ولدها تقدر تودعه
تغرك يبني دمعة وتنكسر دمعه
راح الي بالعمر انا باريته
شاف والنبل شابج علي راح
كعد عنده وصفك راح على راح
نادة بصوت يا زينب علي راح
يخيه اظلمت الدنيا عليه
ليست هناك تعليقات:
إرسال تعليق