تدري شكد بجيت صّدك ما نسيت
كل لحظة وياي يا ضي عيناي
****
مهظومة واناديك بنحيبي
لغيرك ما قلت كلمة حبيبي
جنت ما تحمل فراكي ومغيبي
وانا بغيبتك يسعر لهيبي
منك يالحبيب بس نظرة واطيب
ملقاك دواي يا ضي عيناي
****
اتذكر اخوتنه سوية
يحسين واظل اصفك بدية
كل لحظة جنت تسأل علية
وبيك اشتم عطر امي الزجية
ناديت بحنين غايب عني وين
تسري ويه دماي يا ضي عيناي
****
انا لذكراك ظل هايم خيالي
واتحسر على ذيج الليالي
مثل روح بجسد جنة يغالي
لاخر لحظة يحسين على بالي
جنيت بهواك قلبي ما نساك
مذهولة راي يا ضي عيناي
****
عكبك ما شفت راحة بحياتي
بغيابك من جلوس اضحت صلاتي
كل هذا العذاب ونايباتي
وانت بدمعي ترسم ذكرياتي
بعيني ما اشوف بس حزن الطفوف
ساكن بحشاي يا ضي عيناي
****
ليست هناك تعليقات:
إرسال تعليق