يازينب يعمه00000وينه ابواليمه
مايسمع صرختي00يجي ويمسح دمعتي00ويرحم غربتي
رقيه انه يعمه وخــبريني
يجيني والدي لو مايجيني
عله اغيابه لالا تصبريني
لتمسحين بيدچ دمع عيني
بعيوني رسمه00000وينه ابواليمه
ابوي وفركته تصعب عليه
أحن الشوفته صبح ومسيه
من بسمي يــنادي يــارقيه
تميدالكاع مـــن الفرح بيه
وحنيت أكلمه00000وينه ابواليمه
مايسمع صرختي وينك حسين
ولايرحم غربتي ودمعة العين
ماأصـــبر انه ابلياه تدريـــــن
يعمه خبرينــــــي والدي وين
مشتاكه أشمه00000وينه ابواليمه
طالت حـــسرتي وانه أتـاني
وعليه كـــــشر انيابه زماني
ابوي وما اظن لحظه نساني
يغيب اشلون ويهيج احزاني
ابقه اصرخ ابئسمه00000وينه ابواليمه
عله اخدودي تلاكه الدمع يكتب
كل ليله التمر بـــــغيابه يحسب
من حكه الكلب ياعــــمه يعتب
اخلاف حسين هذا الليل يرهب
يارب يسلمه00000وينه ابو اليمه
يعمه هم يرد وتلاكه وياه
وبحجره انامن وكطع الأه
مشتاكه اشوفه وين الكاه
هيهات ابوي الراح انساه
ريت الليله يمه00000وينه ابواليمه
خادمكم جبارالبطاط
ليست هناك تعليقات:
إرسال تعليق