رحت أزورج هالمسيه
نور عيني
نور عيني
يا رقيــــــــــــــــــــــــــه
****************
نامت الليله رقيه ...... چنهه تعلم عدهه موعد
تلتقي هسا اويه بوهه ..... أبد ما تتمنه تگعد
جاهه بالطيف او يدور ..... عنهه بين اطفاله ينشد
يگلهه هيجتي جروحي ...... حالچ الدلالي يمرد
حطي أيدچ بين أديه
نور عيني
نور عيني
يا رقيــــــــــــــــــــــــــه
****************
بويه أدري الغيبه طالت ..... يالعزيزه سامحيني
فراگي ما تتحملينه .... ودري صعبه تفارگيني
جيت أشوفچ يارقيه ...... ارد أشبگچ وشبگيني
آنه ما أحمل أفراگج ..... جيت حته ترافـگـيني
نلتقي بعد المنيه
نور عيني
نور عيني
يا رقيــــــــــــــــــــــــــه
****************
ليش متغيره الملامح .... شبدله يابويه حالچ
چنتي مثل الثلج بيضه ...... الشمس بدلت جمالچ
هسه محرومه وسبيه ..... وين يابويه دلالچ
اعله متني چنت أشيلچ ...... هسه منهو الغيري شالچ
بويه جايبلچ هديه
نور عيني
نور عيني
يا رقيــــــــــــــــــــــــــه
****************
گلبــچ اليعتب يبويه ...... آنه ما احمل عتابه
تناشدين أدري عليه ..... والدي طوّل غيابه
أدري حگچ لو فگدتي ..... وكل وكت صحتي يبابه
وانتي ما متعلمه دومچ ...... أعله جو هاي الخرابه
عتبتچ صعبه عليه
نور عيني
نور عيني
يا رقــــــــــــــــــــــــــــــيه
****************
بالطشت لو شفتي راسي ...... هوني دمعاتچ عليه
اني گلبي اعليج خايف ...... حته لحضات المنيه
بويه ساعات واجيلچ ...... بس اصبري هالمسيه
ما أعوفچ لحظه وحده ...... أي وحگ أمي الزچيه
خــــــــــــــــلي وناتچ خفيه
نور عيني
نور عيني
يا رقيــــــــــــــــــــــــــه
****************
بلّغي الـــ عمتج سلامي ..... والهه حملي هالرساله
تحتسب كل المصايب .... مقدره بحكم الجلاله
گولي ابويه ناوي يحضر .... يزورني الليله أبعجاله
گولي ياخذني ويسافر ..... ورجع أبفيّـه ودلاله
نسافر الليله سويه
نور عيني
نور عيني
يا رقــــــــــــــــــــــــــــــيه
يا رقية
ردحذف