آهــاتـﭻ تضـل بالــروح مستعـــــره
آهــﭻ مــو مثـل كـــل آه يــالحــــره
آهــﭻ تستعــر بينــــه *** هَــزت عــرش بـارينــه
ــــــــــــــــــــ
صَبْر ايـوب لـو مَـر بيـﭻ يـوﮔف منحني إبابـﭻ
الهَــم والآه البيعقــوب قبلــن كعبـــة إمصابـــﭻ
بالإصلاب وإنتـي إهنـاك سـوده ﭽـانت إثيابــﭻ
دمـع العيـن يخت حسين إبـد ما بارح اَهـدابــﭻ
وكعبــة آه صــرتـــي لليـﮕصدونــج ... قبلـة نــوح صارة دمعــة إعيـونــﭻ
آهــﭻ حيـــل تــاذينـــه *** هَــزت عــرش بـارينــه
ــــــــــــــــــــ
عـالعـريس صوت الآه وصلت للحسن جمـره
وَن ويـاﭺ يَــم لحــزان والله وزلـزلـت ﮔبـــره
ﮔـام وطـاح مـن الآه إحنـت صرختـﭻ ظهـره
كـل الـكون وَنْ ويـاﭻ وَنْ إبلـوعـه وبحســره
هـالعـريس صحتي والـدمع ساجـم ... يـا شبــان ﮔـومـوا الــزفـة القاســم
صيحـت ﮔلـب بـونينــه *** هَــزت عــرش بـارينــه
ــــــــــــــــــــ
صـوت الآه والـونـات نـار وبـالـﮕـلــب تسعـــر
تجوي الروح مـن عينـاﭺ شافت مصرع الإكبـر
جسمه الـنـام عالتـربـان سابـح بـالـدمـه إمطبــر
صحتـي إبـآه بـس مــو آه منهـا شَيَّــب المنبــــر
لإكبـر راح صحتـي يـا إبو اليمـه ... عـالطبـرات آه الـﮕطعـت جسمــه
يــا دمعــة بــواﭽينـــــه *** هَــزت عــرش بـارينــه
ــــــــــــــــــــ
صـوت الآه عـالمذبـوح عبــد الله وسهــم نحــره
ﭽـانـت آه تـدي إدمـوم بيهــا إجـروح مــا تبــره
إنـس وجــان يَــمْ لحــزان وَن الـﮕلبــﭻ وكســره
والكاروك يبـﭽـي إعليـﭻ ضل ويجـذب الحسره
مــن لعمـاق تنبـع آهـــﭻ إبحيــره ... طـود إحـزان إنتـي ومنبع الغيـره
صعبـه آهـﭻ إعلينــــه *** هَــزت عــرش بـارينــه
ــــــــــــــــــــ
عالعباس ﮔلبـﭻ ذاب صبـرﭺ لـن جِــزه إحـدوده
حملتي شلون راعي الجود لمـن طاحـن إزنـوده
رايه وسيف درع وطاس طاحن وإنزرف جوده
بعينـﭻ صار ظلمه الكون والدنيه إصبحت سوده
شـاب الـراس للعباس ومصابـه ... دمـع العيـن عالـﭽفيـن سـﭽـابــه
بصَـرخـت إ يـوالينــه *** هَــزت عــرش بـارينــه
ــــــــــــــــــــ
عالعطشان والمـذبـوح وإلــي إتـوَسَـد الغَبـــره
عـالمنحــور مـن إﮔفــا وإتعلـه الشمـر صــدره
عـالمسلوب عالمـﮕطوع صبعـه وداسته العشره
آهٍ آه يــا جـــداه صحتـي وفــاطمــه الــزهـــره
عالحسرات والـونـات عينـونــي ... وصحتـي إبــآه وَيَّ حسين ادفنونـي
إو ويَّ إخـوانـــه وبنينــــه *** هَــزت عــرش بـارينــه
ــــــــــــــــــــ
صحتي إبـاه فوﮒ النـوﮒ من رادوا يركبونـﭻ
صحتي إبـاه مـن السـوط ذاك الــورَّم إمتونــﭻ
صحتي إبـاه مـن الـﮕيــد زينـب واليشتمـونــﭻ
صحتي إبـاه عالسجاد وإنتـي إتشاهده إعيـونـج
آهــﭻ ذيـﭻ لمـن دفنـوا إرقيـــه ... وآهـﭻ بالخـرابـه وإنتـي مسبيـــه
وكـل وَنَّـه علـى سكينـه *** هَــزت عــرش بـارينــه
ليست هناك تعليقات:
إرسال تعليق