يا ناس انا الزهرة ابني منكطع نحرة
ظل مرمي على الغبرة
****
يا عالم انا الزهرة الزجية حضرت بلهفتي للغاضرية
لكيت اجساد عالغبرة رمية ولكيت على الهزل زينب سبية
صحت لا يا كسر ما كفى تكسر مني ضلعين
رديت على ولدي وشتتهم وين ما وين
واحد سمتت جبدة وتركته ينازع البين
والاصعب عليه من اشاهد منحر حسين
ناديت انهدم حيلي طولي يا سهر ليلي
ويلي من الحزن ويلي
*****
ما احمل يداري وهذا حالي ضلعي يهون دم حسين غالي
واصلت الحزن طول الليالي راس وليدي شفته برمح عالي
اول ما شفت راسه صرخت يا يمة ويلاه
ناري بمهجتي وحرك الخيم ما اكدر انساه
جاوبني الدمع يم الحسن ما تنفع الاه
انظر زينب المهضومة محتارة بيتاماه
ياريت انسفك دمي ولا انظر نضخ يمي
يا ناس شعظم همي
*****
يا عالم شفت هول العجايب وزينب شافت هموم والمصايب
بين الباب والطف والنوايب واسوني على فراك الحبايب
بين الباب والحايط اصيح وضلعي منكسر
زينب آيزينب من تصيح بكلب مجمور
من يثرب مشت وعليهه حوم النايبة يدور
مرساهه صبح آيا خلك بيام عاشور
عاشور شبعد عندي يالماخذ اعز ولدي
يسعر من وسط جبدي
*****
وينة الي يهل من عينة عبرة ويصيح بصوت ماجورة يزهرة
على المسموم جبدة بنار غدرة على حسين الذي مكطوع نحرة
وينه الي يواسيني يشيعة ودمعة مسفوح
يذكر لوعتي وهمي مصابي يشعب الروح
من كادوا علي مجتوف تركوا كلبي مجروح
شتحمل بعد فوك الجرالي حسين مذبوح
مذبوح الهضم روحي فجر منبع جروحي
نوحي ما بطل نوحي
*****
من كلبي دوت نار الفجيعة وينة الي يواسيني يشيعة
انا فاطمة الزهرة الوديعة ارد اوصل لعد حامي الشريعة
وينه الي يهيم ويعتني وياي يا ناس
ارد اوصل واصيح بصوت عالي وشهكة انفاس
انا ام الحسن وحسين يوليدي يعباس
جيت احمل جفوفك يا كمر زينب على الراس
عباس انا مظلومة هامت روحي للحومة
يومك ما اشد يومة
***********************************
ليست هناك تعليقات:
إرسال تعليق