سافرت لارض الشام انه ودمعتي
بلقبرعفت حسين ينطر رجعتي
**************************
لمت حرم وايتام شماتي يحدون
حرموا عليه النوح ودموع العيون
حي هاشم وعدنان لو بيه يدرون
جردوا صوارم بيض واجلوا كربتي
**************************
لحكوا عليّ يحيود طحت بهظيمه
دمعتي عله الوجنات ظلت سجيمه
وبيت التخدمه املاك ناره ضريمه
والخيم بـــــــس رماد وانه بغربتي
**************************
بذيالي تلهب نارنار الحـشه تزيد
ايد اطفي بيها النار وارد اشكف بايد
لواجمع الاطفال لو اضمد الحيد
واخواني عالتربان محــــــنه محنتي
**************************
بالعرى نبات اليل وعدانه حراس
ماطبك جفني ونام خل تشهد الناس
والشمر حارس صار عكبك يعباس
بالسكته اون بسكوت واخنك عبرتي
**************************
جابوا هزايل نوك والحادي طوح
وروس اخوتي عله ارماح كلبي تجرح
الجانو لهلنه عبيد بــــينه اتصفح
ا تغذه ونــــه واه والهم جـــرعتي
***************************
للكوفه من طبيت ضكت المراره
اتذكرت داحي الباب من تزهي داره
مجتوفه ادخل ليش قصر الاماره
ومفجوعه بالخوان واطفوا شمعتي
**************************
من الكوفه لارض الشام سدر ضعنه
اسرى ونون ونوح طشو شملنه
لارايه لاخـــــوان تحرس زملـــــنه
بس العليل وياي وانه وفركـــتي
************************
عله الثرى عفت حسين هو وعضيده
لادرع عنده وسيف لارايه بيده
وطحنت ضلوعه الخيل ينزف وريده
وانه اصرخ ام حسين كونج سمعتي
****************************
اسالكم الدعاء لي ولوالدي
خادم اهل البيت
حلمي السعد
16/محرم /1433
ليست هناك تعليقات:
إرسال تعليق