لا جف لا كمر لا عدها راية زينب والحرم راحن سبايا
تصيح على المهازل دخيلك يابوفاضل
****
حكها لو كلبها من المصايب شاب زينب وينها ووين المشي وية اجناب
جانت لو مشت يلزم اخوها الباب ويومي للشمس تلبس الغيمة حجاب
طلعت بت علي آيالهظيمة وكشفتها الشمس ما عدها غيمة
وتندب ها يكافل دخيلك يا بوفاضل
****
عكب ما حز وريد حسينك الذباح مشعل نار بيدة وللمخيم راح
احركوا خيام زينب عالعساكر صاح وطلعوها شبعد ظل عدها اخوها وراح
يخوية بهالعمر وانا العقيلة الركض بالحومة يهلك مالي حيلة
الم شمل الارامل دخيلك يابوفاضل
****
وينك يا كمر خان الدهر بيه وخدري الي تكفلته انكشع بيه
ادور عالهزل ومجتفة ايدية وضلوعي من سياط الشمر محنية
ما بين الغرب انا وخواتي انحنيت وشيبت من مستحاتي
وخذونه بلا محامل دخيلك يا بوفاضل
****
اسمي الجان لو مر تنصب ثاية وعلى لسان العواذل اصبح حجاية
اظن زينب الما بين الزلم آية من كثر الخجل وجهي نشف ماية
تعذرني يبو الغيرة يعباس مجبورة يخوية تصدلي الناس
ويشوفوني العواذل دخيلك يابوفاضل
****
من كد ما بجيت وصب دمعها العين نكع ثوب العلية وفزوا الميتين
ششاكف لا طفل بضعوني لا طفلين اشكف سوط واحد انضرب باثنين
لا ما ينوصف ضيم العلينة من سوط الشمر بانن ادينة
اعاتب من واسايل دخيلك يابوفاضل
*****
ليست هناك تعليقات:
إرسال تعليق