دمعة العين .... سرية .... دمعة العين
دهري والبين .. عليه .. دهري والبين
آه من غـــدر الزمن
راح مسموم الحسن
دمعة العين .. دمعة العين
1
فاطمه وگلبي صُبَـح بهمومه ذايب
ياخلگ گلبي اشكثر يحمل مصايب
آه وا ويلاه من دهــــــــر العجايب
لشوكِـت غدره يظــل بس للأطايب
ولدي لثنين ... ضحايه ... ولدي الثنين
الحسن وحسين .. مُنايـه .. الحسن وحسين
غاصوا اببحر المِحن
راح مسموم الحسـن
دمعة العين .. دمعة العين
2
يا خلگ هليـــــوم نصبوله العزيه
وليدي بالسم ذاب چبده ابهلمسيه
ألم والله يـا خلـــــگ يصعب عليه
ضيم فگده مثل ضيـــــم الغاضريه
مثل الطفوف ... مصابه ... مثل الطفوف
والـِّي ميشوف .. عذابه .. والـِّي ميشوف
زاد دلاّلي شجــــــن
راح مسموم الحسن
دمعة العين .. دمعة العين
3
آنه بنت المصطفــــــى الزهره البتوله
دمعة دمعة اعله الحسن عيني هطوله
سمعوا يا شيعة علــي سمعوا الأگوله
الله يرحم من بچـــــــه ويشفع رسوله
وج للمصاب ... شمعتك ... وج للمصاب
واعلن اسباب .. دمعتك .. اعلن اسباب
غربه بحضان الوطن
راح مسموم الحسن
دمعة العين .. دمعة العين
4
آه يا شيعة الدمــع هدني وعماني
شوفوا يا شيعة اشكثر غادر زماني
والشجن چن بــس إلي گاعد يتاني
آه فگــــد المجتبــــى الهَـــدَّم كياني
مات مظلوم ... يشيعـــــة ... مات مظلوم
عملة الشوم .. فضيعه .. عملة الشوم
بيها دلالــــي انطحن
راح مسموم الحسن
دمعة العين .. دمعة العين
5
بيت أحزاني اليظـــن مسدود بابه
ما لمس أشجان گلبي وسر عذابه
لسه يم بابي نفِس ذيــــچ العصابه
لسه حزن الروح بعده ابعز شبابه
إبني سمّوه ... حسافه ... إبني سمّوه
چبده مردوه .. صلافه .. چبده مردوه
دموعي والله ما هِدن
راح مسمــــوم الحسن
دمعة العين .. دمعة العين
ليست هناك تعليقات:
إرسال تعليق