انا ام الحزن زينب يسموني انا ام المصايب يالتنشدوني
آه يا زينب آه يا زينب
***
انا الي شفت نارين لجن نار اشد من نار
نار الحركت خيمنه ونار احركت باب الدار
انا الي شفت صدرين واحد صوبة البسمار
وواحد كربلا تخبرك شلون الخيل رضنه
آه يا زينب آه يا زينب
****
انا الي اعتنيت العلكمي عنوة
لشبل حيدر كصدته راعي المروة
انا الي فكدت بالطف تسع اخوة
ابجو وياي عالطف يالتحبوني
آه يا زينب آه يا زينب
****
انا الي اله الميمون قدمته
انا من الخيم لحسين ودعته
ومن حز الشمر بيده النحر شفته
وصحت عالتل يحيدر خابت ضنوني
آه يا زينب آه يا زينب
****
انا الي مشيت لمجلس الكوفة
وية ابن زياد احجي وايدي مجتوفة
لوّن عباس حاضر حالي ويشوفة
وانا مكدرة وبالسوط يولوني
آه يا زينب آه يا زينب
****
ليست هناك تعليقات:
إرسال تعليق