((غفيت من التعب وسياطي بمتوني
وجفن دمع المصايب غافي بجفوني
باطياف الرؤى وبعالم ضنوني
شفت حسين ابوية بكلبي وعيوني
****
صحت وجروح كلبي تنزف بعيني
بوية حسين مو طبعك تجافيني
ليش بكربلا وحدي تخليني
جاوين المحنه البينك وبيني
****
لو تنظر علي ومعاتبي تسمعه
تشاهدني ضلع مكسور للبضعة
واذا تنطيني لوعة هاك الف لوعة
انا كلي على كلي تحولت دمعة
****
بنتك من تحن تكصد لعمتهه
يبوية اغفة على اديهه واشم ريحتهه
لان ادري بعطرها ريحة اخوتها
وانت اخر عطر ظل بعبايتها
****
اشوف دموع عينك تحبس الانفاس
لاترحل دخيلك يا اعز الناس
احلفك بالعقيلة وغيرة العباس
اخذني وياك يابوية راس الما يفارك راس
****
فزيت على موتي والهج باسمك
خلص عمري يريته ولا خلص حلمك
واشوفك بالطشت بس راسك ودمك
وقبل لحظات شفتك راسك وجسمك
****
كضة راسي على راسك ياابواليمة
واسمع بس صريخة ونايحة ولمه
هذي تصيح خوية وذيجه ياعمة
وياحيرت يتيم الما خلص همه))
ليست هناك تعليقات:
إرسال تعليق