الخميس، 6 نوفمبر 2014

نعي ليلة 13 محرم-معاتيقي1436


جبتوني وعفتوني اعتب والعتب شيفيد
وهاي النوك جابوها هزل والطريق بعيد
صحت يوم اقبل الحادي يحادي النوك وين تريد
مابك رحم يالجمال شلون امشي على هذا الحال
عندي ايتام عندي اطفال وانا مكلفه بيها واخوتي بهاي وصوني
*****
وصوني وعافوني خواني وعلاني الذل
واشوف الحرم فوك النوك ترجف والدموع تهل
حكهه الفاكده الوليان من الاجنبي تجفل
وي الغرب تمشي شلون بهاي الناس شيكولون
عليّ خاف اخوتي يعتبون اكلهم غصب راح امشي حتى اخوتي يعذروني
*******
انا على الهزل زينب واخوتي على الثرة نومة
بين الكطعوا جفوفة وبين السلبوا هدومه
وحادي النوك ما انصف مر بينة على الحومه
شفت الجثث بعيوني شفتهم وانخطف لوني
صحت يا هالناس خلوني عيوا ما يخلوني
*****
ولن حادي النياك يصيح يالبالخدر معروفة
ما واحد خيالج جان يبنت المرتضى يشوفة
شتقولين يخت حسين راح نروح للكوفة
وايام الخدر راحت 
زينب سمعته وصاحت  من عكب الخدر يردون للكوفة يودوني
***
من عكب الخدر لني ذليلة مهبطة للراس
واطوف ببلدة الكوفة وتتفرج عليه الناس
ولن الوادم يقولون هاي اخت البطل عباس
صحت يا هضمة الهضمة عكب الخدر والحشمة 
عليه الناس ملتمه وينشدوني على الوليان 
واسكت من ينشدووني
***
راح الخدر والوليان انا ويا النسا ضليت
بعد ولمجلس ابن زياد اروح بهاي ما ضنيت 
حكي يا بني هاشم اعتب عالعدل والميت
ماني مخدرة تدرون اذل يهل الشيم ترضون
لون عن حالتي تنشدون يهل الشرف والغيرة بالديوان دخلوني
****
تكله خوية الشمر طكني على عيني      زيد نوحتي وزيد ونيني
ولا واحد بعد منكم يجيني
***
دفنته بالمكان الطاح لو شلته من مكانه
شلت السهم من كلبه ودفنت وياه رضعانه
علي الاكبر مع الجاسم والعباس واخوانه
بالله يا علي السجاد كلي عن العباس واحواله
****
يا عمه راح الحيل مني
من راح ابوك حسين عني
عساني ميته من صغر سني
انا سليت المصايب ما سلني
****
بوية الي جرة علينه فجيعة
اكعد يمن ذبحوا على صدرة رضيعة
يبوية سلبونه وسلبوا عمتي الفجيعة
**
اجه السجاد متحير يدير بكربلا عينه
يناشد جثث متنثرة  عبدالله الطفل وينه
شاف الطفل بكماطة  اقترب يمة وكعد يمه
صار يعاينة بهداي  وبسم الله عليه سمه
شاف اكماطه المشكوك  وعاين بالنحر سهمه
صار يهزة وينادي  هلا بغالي ابو سكينة
****

ليست هناك تعليقات:

إرسال تعليق