بدموعي اكتب الج هاي الوصية يا زينب وكربت مني المنية
لو خانج الدهر سلميلي عالكمر
***
اخر ليلة هالليله شفت ظيم اليشيب الراس
تعرفين شكثر عانيت يزينب من حقد هالناس
هذي وصيتي سمعيها اكتبيها بدمه الاحساس
الله عليج يا زينب تسلميلي على العباس
لو شفتي تاج الوفه وراعي المهابه
قبليلي جف الكمر عني نيابة
وصليلي هالخبر سلميلي عالكمر
هاي الوصية
***
الج من حيدر الكرار اخو مثل الكمر رسمه
عن اسمه اذا تسئلين عباس الوفي اسمه
اذا شفتيه يازينب اذكري وصيتي يَمَه
ولا تنسين سلميلي على ام البنين امه
ام البنين التشع بسمانه نجمه
هاي بمقامي الج ناديهه يمه
يم قمة الفخر سلميلي عالكمر
هاي الوصية
***
حيدر لمن يودعج وتصيبه زمرة المنكر
اخوج بعطفه وبلطفه يحل بمنزلة حيدر
عن لساني احجيله بكل هذا الجره والمر
كليله الزجية تكول ضلعي الطاهر تكسر
كليله تجري الدمع نزلت لحدهه
وباقي بوجها الاثر سطره على خدها
بضلعي الذي انكسر سلميلي عالكمر
هاي الوصية
***
اروي قصة الامي كلها وفصلي الاخبار
الزمي ايدج بايده واحجيله على باب الدار
احجيله على المحسن واحجيله على ذيج النار
راعي الغيرة لتخبري بحال متوني والبسمار
لالا تخبري الكمر مني ظهر صوت
خوفي على ابني الوفي من حسرته يموت
شمعة بني مظر سلميلي عالكمر
هاي الوصية
***
اخيج حيدر الثاني يهز الدنيا من يزعل
الج مخلوق يازينب لخدرج هوه يتكفل
لا تبجين كدامه ترة العباس ما يقبل
وتشوفين افعاله بوادي كربلا لو حل
ساقي العطاشا ولزم بيده لوانا
كليله من فاطمه عندي امانه
بالطف اذا حضر سلميلي عالكمر
هاي الوصية
***
اذا مر العطش بيكم وتلهب جمرة احساسه
يوصل للفرات بزود ويشع وي سيفه نوماسه
يزينب توكع جفوفه وعمد يتصوب براسه
وسهم ينصاب وسط العين واحضره باخر انفاسه
بكسر الضلع عالنهر الطم على الراس
واصرخ يراعي العلم تسلم يعباس
من يهوى عالنهر سلميلي عالكمر
هاي الوصية
***
ليست هناك تعليقات:
إرسال تعليق