وين وسدت الزچيـــــه ... وراجع أبونه خفيه
عن ظلعهه ... عن وضعهه
احچيلي ياحامي الحميه .... احچيلي ياحامي الحميه
***********************
هل يدمعي الليله وانثر حزني بدروب المدينه
نواسي دمعات اليتيمه ونجذب الونه الحزينه
زينب اتناشد أُبوهه جاي وحدك ياولينه
وين شمس الله ادفنتهه وبعد ما تشرق علينه
يا گبر ضم الحنينه .... الي في ظلهه ربينه
عيني تذرف .... جرحي ينزف
وانه عالجرح أشبديه
حچيلي ياحامي الحميه
***********
امي شافت هالمأسي عفيه جان اشكد صبرهه
مدللـه عد جدنه طاهه بجاله لا ضيم اليمرهه
وجانت ابيتك عزيزه ويعرف العالم قدرهه
انگلبت الوادم عليهه وماتت ازغير عمرهه
ضيعوا اجر الرساله .... ومارعو ألهه جلاله
ضيعوهه .... ومارعوهه
الگبر مخفي عليه
حچيلي ياحامي الحميه
***********
زينب تناشد وليهه والهظم مرَّ شيجرعه
سولف اوريح دليلي أأشجره أعله امي البضعه
هم ترد بويه علينه لو مشت ما الهه رجعه
رافگت جدي ابسفرته تشتكي العصره والصفعه
وتشتكي من الهظمهه .... الرظ ضلعهه ومارحمهه
من حزنهه .... من شجنهه
شلون وافتهه المنيه
حچيلي ياحامي الحميه
***********
اجرعت مر النوايب والدهر يرمي بسهامه
راحت امنه الي تلمنه مودعه الله وبالسلامه
عندي حاجه بجاه جدنه وجاه نبراس الامامه
أدعي تحضر ساعه وحده تشوفنه صرنه يتامه
تحضر أتزيح المأسي .... وتمسح أبچفهه أعله راسي
ساعة وحده .... وكلبي يهده
وتطفي نيراني السريه
حچيلي ياحامي الحميه
***********
حن عليهه الوالد وهلّ عبرته وروحه كظيمه
وشالهه بحضن الابوّه ومسح دمعــة هاليتيمه
وبالصبر وصاهه حيدر وسكن اجروح الاليمه
گالت اصبر وانته سالم تبقه بويه أعلينه خيمه
الصبر بويه احتويته ....و درب الاشجان ابتديته
وحزني احمله ..... ما امله
من الزغر حته المنية
حچيلي ياحامي الحميه
ليست هناك تعليقات:
إرسال تعليق