يمه يا زينب عزيزة دمعة عيونج
ينسطرهاليوم وجهي وباجرمتونج
انا بالسطرة امتحن وانتي بسياط المتن
يمه زينب من سطر وجهي بيمنته سب خديجة وسب رسول الله سمعته
كتله يا ظالم تره ضلعي كسرته انته جتالي وجنيني هم قتلته
كلي من بضعة محمد ماخلص ثاري يعني زينب استعدي يعينج الباري
سطرة ادمتلي الجفن وانتي بسياط المتن
هذي اول جرأة عالباري وحبيبه ادري منها الباب تلفي كل مصيبة
يمه زينب انتي من هسه غريبة جني اشوفج وانتي مسبية وسليبة
يحرقج خيامج يزينب الحرق بابج والذبح محسن ييمه يذبح احبابج
قلبه ميت ما يحن وانتي بسياط المتن
لا تعتبين على حماي الضعينة انا سطروني وعلي سيفه بيمينه
ينهظم عباس لو صحتي انسبينه صيحي يا حيدر علي بوية انولينه
لو كصدتي على الشريعة وانتِ ملهوفة شيلي سهم الصاب عينه وقبلي جفوفه
سامحي يم الحزن وانتي بسياط المتن
انتي من محسن بده يكثر ونينج باجر بطف كربلا الله يعينج
من يسل سيفه الشمر وينادي وينج من الكفه يذبح حسين كبال عينج
من يحز الراس يمه جن يحز راسي وانا وي انفاس ابني اكطع انفاسي
ابني عاري بلا دفن وانتي بسياط المتن
والاخذ مكيود حماي الحميه باجر يكودج يبت حيدر سبية
انا يهضمني ترة اليهظم رقية والكطع خنصر حسين يكطع ادية
لون الحسين على ضلعي يجرن دموعه باجر تسمعين بالطف كسرة ضلوعه
صدري باجر ينسحك وانت بسياط المتن
احتمت بالباب امج من اجوها بيمن تلوذين والخيمه احركوها
ماكو قبلج هاشمية سلبوها ذبحوا اخوتها على الماي وسبوها
بيمن تلوذ الغريبة الحركوا خيمها والكفلها على الشريعة و الشمر يمها
يشفى جرحج ما اظن وانت بسياط المتن
يمه كلكم يمي واشعر اني وحدي انتي وحسين وحسن والوالي عندي
شلون وانتي على الهزيلة وشمر يحدي للسبي ناده يمسلوبه استعدي
عالرمح راس الكفاله يعاين لحالج من عكب وجه ابو الاكبر حرمله كبالج
صعبة ليلج من يجن وانتي بسياط المتن
ليست هناك تعليقات:
إرسال تعليق