مرقدج وين مرقدج وين
زهرة ياروح النبي مرقدج وين
جيتج ودمعي يصب يصرخ وياي القلب
مرقدج وين
***
يا هويتي وسر وجودي وديني
انا اعرفج من قبل تكويني
جيتج وحادي الحزن يحديني
منيتي قبرج اشوفه بعيني
من القبور بالبقيع انشد صرت من القبور
انشد وحالي صعب يصرخ وياي القلب
مرقدج وين
***
جيتج دموعي جمر مجراها
زيارتج طول الدرب اقراها
منية وحده بعمري اتمناها
\بلجن لقبرج علامة القاها
بجاه الحسين حققيلي منيتي بجاه الحسين
لحضرتج رايد اطب يصرخ وياي القلب
مرقدج وين
***
قبر ابوج المصطفى اندليته
رحت زرته وبالدمع حاجيته
من ضريحه عطرج اشتميته
من سألته على القبر اذيته
يبجي وياي جن احسه من القبر يبجي وياي
من خلف كل الحجب يصرخ وياي القلب
مرقدج وين
***
مثلي احبابج ترة ملهوفه
تريد توصل مرقدج وتشوفه
عليج ابوفاضل وكطع جفوفه
يمتى يظهر مرقدج ونطوفه
ماتت اجيال امنيتهه توصلج ماتت اجيال
من اقره عنها بالكتب يصرخ وياي القلب
مرقدج وين
***
بالبقيع بحيرة لتخليني
حتى لو كلمه بهمس كلميني
على كبرج اسأل ودليني
قبل لا يوم الاجل يلفيني
منيتي هاي كل حياتي ودنيتي منيتي هاي
من ثراج اخذ ترب يصرخ وياي القلب
مرقدج وين
ليست هناك تعليقات:
إرسال تعليق