يمه لحظة وداع وسفر يمه
يمه ضلعج وكلبي انكسر يمه
مني شيريد الدهر يمه
***
يمه لو رحتي اظل بلاية خيمة
يا حنينة وساعة فراكج اليمة
يا هضيمة وياهضيمة ويا هضيمة
بعدج تكول الخلق زينب يتيمة
ردّي لا تخليني بجرح
ردي لحظة وداعج ذبح
ردي ابقى ليلة بلا كمر يمه
***
يمة مخنوق الهوة والدنيا ظلمة
وعطرج بدخان باب الدار اشمة
صدمة البنت على امها بيها هظمة
تعود لساني على كلمة يمة يمة
ويلي عفتي زينب للحزن
ويلي ليلي ظالم من يجن
ويلي نايم بعين السهر يمه
***
جلمة الام عاطفة والحب نزفها
جلمة بس اليفكد الأم يعرفها
طلعت امي وروحي طلعت من كهفها
صحت ليش الكاع ربي ما خسفها
والله انظر الحايط واون
والله عادت الفاكد يحن
والله انا دلالي انفطر يمه
***
كل دموع العالم لفقدج قليلة
والحياة بلاية امي مستحيلة
مرة انظر لخوتي ودمعي اسيله
مرة اصرخ ليش يا حامي دخيله
بوية امي مكسورة ضلع
بوية يصرخ بعيني الدمع
بوية وسفه حيدر ما حضر يمه
***
انظر البسمار ويذكرني بيها
حسين من يبجي يذكرني ببجيها
شكد ثكيلة الباب وانطبكت عليها
بلا حجاب الزهرة وتغشت بديها
شفته من وكع منها الطفل
شفته من سطر خدها النذل
شفته خد رسول الله انسطر يمه
***
الحرق بابج ترى يرجع عليه
يحرق خيامي عليّ بالغاضرية
والسطر وجهج يبت سيد البرية
يضرب متوني ويوديني سبيه
وحدي ظهري بالطف ينكسر
وحدي يحدي بضعوني الشمر
وحدي اني اموت من القهر يمه
***
من شفت حيدر بجه لحالة وليده
جني اشوف حسين بديار البعيدة
يمه شيكول اليموت ابنه على ايده
ينظر بعينه السهم يقطع وريدة
يرجع شايل ابنه لخيمتي
يرجع صاحت امه لصيحتي
يرجع ابنه مكطوع النحر يمه
***
يُمّه .. كسر ظهري الحزن .. يُمّه
ردحذفيُمّه .. وليلي كلّه أون .. يُمّه
يُمّه .. والعمر بعدج سجن .. يُمّه
وبعدج كل ايامي قهر .. يُمّه
كل دموع العالم لفقدج قليلة
ردحذفوالحياة بلاية امي مستحيلة
😭😭😭
ردحذفتجنن😭😭😢😢
ردحذفهذا مقام شنو
ردحذفیافاطمة الزهراء
ردحذفشكراً
ردحذفشكرا كثيرا باسم الكربلائي
ردحذفشكراً باسم
ردحذف