ياضلع التصد اسهام--- گوم وعاين احبابگ
تصيح بگل گتر مصيوب --- خضيبه العتره وكتابگ
*
مهموم الضلع مالوم... يون من لوعة ادمومه
ايتنطر خدمة العشاق. .. ويفز من وحشته ونومه
الواجب معتقد مفروض. . ايتجبر تنجلي همومه
ضروري اليذكر المحنه.. ايتوضه ابدمعته اونه
يانبع الطيب والجنه
ياضنوة فرحه الهادي ..اشيبرد جمرة اصوابك
.....
يهل رايد شفاعه ارجوگ --- بخدمتگ واهمل المدمع
گل مطلب تريده يصير --- ---وصك المغفره موقع
الدهر جرد سيوفه وصاب ---الجبل من عدها يتصدع
بگسر بسمار متجمره --- وديعه وللنبي وعبره
واسمها فاطمه الزهره
ياملگ الموت حاجينه --- ريض نسمع عتابگ
*
وحگ روح النبي المعصوم --- نسولف نحفر المدفون
الحگم طاغي ويوصفه الباب-- بگسرها توضح المضمون
انتبرى من الردى الظلام --- براءة موسى من فرعون
سموم النايبه دارت --- صريعه امگدره احتارت
الگبر المصطفه وسارت
تموت وفاطمه امگ --- وسهم الصوبج صابگ
*
مخالب هألزمر اجلاف --- بضلعها وغرست الانياب
ماهابوا گتاب الله --- ولابيت النبوه الغاب
الظالم بالحشر محتار --- شيجاوب لويصير حساب
الاول منگشف مكره --- يضيع وينمحي ذگره
الينگر فاطمه اتنگره
والثاني ابسقر مذموم --- اشيفيد اشينفع جوابگ
*
نشف دمع الجفن نبعه --- مثل يعقوب تتمرمر
وختم چف الامل مسعاه -- وعسه بهذا العمر يگصر
بسبب جرم السقيفه ولاح -- الضلع متهشم اتگسر
المحسن غرب برحله ---وحمل فرگاك موسهله
بغيابگ يابو الحمله
الاجل حان ويريد وداع --- يحيدر احمل مصابگ
*
مرابع عشرتك لليوم --- يصدها الشوگ والحرگه
وغرس لوح الضلع ناره --- وحصدها منجل الفرگه
وعرج بيها الحزن ماغاب --- وتناثر بالسمه الزرگه
يقين الدين مصدرها --- ألأله الباري صورها
ومن الرجس طهرها
الطهر وام العصم تلگاگ --- عبير تفيض بترابگ
*
الحاج سامي الكعبي
الفاطميات1436
ليست هناك تعليقات:
إرسال تعليق