بشفافي تبقى غافية يمة انتي الحبيبة الغالية يمة
عفتيلي دارج خالية يمة
****
لوجهج اشتاق واشوفج ماهي يمي شتسوة دنياتي اذا مابيها امي
شكد حلو بصوتج اذا ناديتي بسمي وابتسامة ثغرج التكشفلي همي
راحت تعبت عليه بالربة راحت امي الحنونة الطيبة
راحت تناديني صارت امنية يمة
*****
يالوفية الماكو بالدنية لوفاها الراضية واليرضنة بارينة لرضاها
روحي ضلت بالجسد مدري شجاها الماتت امه يموت احسنله وراها
امي جانتلي اغلى من الهوة اشعرها لعيوني ضوة امي
تهتف دموعي الجارية يمه
*****
يمة عفتي الدار وحشة ما دريتي شعجب ما حسبتي بية من مشيتي
شكد صحت وينج ييمة وما اجيتي آه يا شمعتنه شبساع انطفيتي
ابجي من صغري يمة تعلمت ابجي حجاياتج اذحكرها وكمت ابجي
شمعتنة ظلت طافية يمة
****
يمة عند زينب تعرفيهه غلاتج من تركتيني ورثت كل نايباتج
سبحة ومصلاية ظلت ذكرياتج كمت من اشتاقلج البس عباتج
زهرة لو سبحت تسبيحة الزهرة بالبيت اشمن ريحة الزهرة
لجيتج بقيت متانية يمة
****
حبيبة ضلعج لسة خلف الباب دمة ولسة بالعتبة عطر محسن اشمه
شلون حالج بالكبر حاجيني يمة خوفي من ترابه لا ضلعج يلجمه
بيتي بعدج ابد ما ينسكن بيتي رحتي وصفة بيت الحزن بيتي
بيه المناحة عاليه يمة
****
ردنه نتقاسم مصايبنه سوية يمة شو عفتي المناحه بس اليه
فراق ابوية والحسن يصعب علية ويا مصيبة كربلا شتسوي بية
راسه وحسين اخوية ينكطع راسه فوق الرمح من يرتفع راسه
انظر شفاهه الضامية يمه
ليست هناك تعليقات:
إرسال تعليق