تختلف دمعاتي عن باقي الدمع لني مثلج جربت كسر الضلع
****
يمه انا حسينج العفتي طفل وامه عنه بعز عمرها وترتحل
لو علية ايام المصيبة تهل صوتي من قبري بخطابج يرتفع
***
انا مو بس ضلعج الشفته انكسر شاهدت دلال والدنه انفطر
الهضمج بعين الحسن موجود اثر وبنحب زينب مصابج ينطبع
***
انا اتحدى البجوا لمصيبتج ياهو مثل دموعه تجري لحالتج
وانا عيني بذاك وضعج شافتج يعني عالهم والمصايب مطلع
***
انا بالطف للمصاب اتصورت يوم ميدان لخيول الشر صرت
لضلعج بضلعي الكسير تذكرت شما يدوس عليه حافر وانوجع
***
شما ترض صدري الحوافر اذكرج وينرسم كدامي بالطف منظرج
آه من كسر الضلوع شصبرج انا وانتِ النعرف بهذا الوضع
***
انتِ عن حيدر تظمين الالم عن احبابج صوت الاوجاع انكتم
وانا بالطف عالملا والكل علم وفوك كسر ضلوعي راسي المرتفع
*******
انتهى
ليست هناك تعليقات:
إرسال تعليق