يمه شلون عفتينه يتامه احنه تخلينه
جمر بينه وتودعينه يتامه احنه تخلينه
*******************
يا يمه العمر بعدچ ما يسوه نعيشه احنه
عگب ما چنّة باحضانج واحضانج شُبه جنه
هسه عيشة الأيتام عشنه من تيتمنه
منهو اللي يدارينه بطيب ورقه يحضنّه
يمه بحاجتج كلهم فَي ظلج يظللهم
هظمتينه وتودعينه يتامه احنه تخلينه
******************
عدمن ودّعيتينه من لبيتي هالدعوه
من سافرتي للباري بفعل العاف المروّه
زغار وتصعب اعلينه الفرگه والمن الشكوه
بعدنه بلوعه عالهادي شوفي فگدچ اشسوّه
يمه من بعد جدي رحتي منهو ظل عندي
تعوفينه وتودعينه يتامه احنه تخلينه
*****************
آل المصطفى أحنه وما أنصفنه هالجلاد
فجعنه بفعله من اعلن بغضه ألنه والألحاد
ما چن بينه دين الرب أشرق واضحه دين ارشاد
وبهول الگبر للناس يوم المحكمه افضل زاد
يمه جاوبي بنتچ زينب آنه اون عندچ
تلوعينه وتودعينه يتامه احنه تخلينه
*********************
طفلة وطلبتي منهو يگضيهه ويسليني
بغيابچ ينور العين بدموعه يواسيني
آنه عمري خمس اسنين اليا محنه تعوفيني
أمي وليّه حك اعليج الصدرچ من تضميني
يمه أشكي للجبار ما صار ابعتاب الدار
تبچّينه وتودعينه يتامه احنه تخلينه
***********************
خلافچ يا بعد روحي ظلينه نعد هموم
أشعر يمه باليحصل يجري امن السلاله ادموم
بين الهامته تنطر وبين الينچتل مسموم
ويوم اعله النهر يهوه حسينچ ضامي ومظلوم
يمه چنهه باللوعات انعيش وتكثر الشمّات
تألمينه وتودعينه يتامه احنه تخلينه
********************
خادم أهل البيــــت (ع) قاسم حسين المندلاوي
ليست هناك تعليقات:
إرسال تعليق