لاتقصر ياحمـام شمـــا تزور أم البنين
عنه بلغهه الســلام والكبر طوفه بونين
كلهه كلهه شيعتج .... قلدتنه ازيارتج
ــــــــــ
انته وحدك توصل ألهه وتكدر اتبوس الكبر
وياحمام وريت تدري شكثر نهواهه أشكثر
بياعباره وياكلام ألك نشرح هالحنين
لاتقصر ياحمـام شمـــا تزور أم البنين
ــــــــــــــــ
يم كبرهه لأن دوم انه أشــــوفك بالصور
صرت احسدك ياحمام وانته يم أم الكمر
ريت تفهم هالكلام من كلوب العاشقين
لاتقصر ياحمــام شمـــا تزور أم البنين
ــــــــــــــــــــــــــــ
زين مايدرون بيك أل أميه تزورهه
جان والله كفروك وتنحرم من نورهه
لايفضحك الغرام بخفيه خاطبهه حزين
لاتقصر ياحمــام شمـا تزور أم البنين
ـــــــــــــــــــــــ
كلهه كل شيعي ألج الليله سايل مدمعه
يسلم اعليج بحزن وعينه صوب المشرعه
يذكر الطف والخيام ويلطم الخد والجبين
لاتقصر ياحمـام شمـــا تزور أم البنين
ــــــــــــــــــــــــــ
لان يم الكبر انتـــــــــــه اريد اسئلك ياحــــمام
امن الكبر هم ونه تظهر من يهل شهر الحرام
بيهه أدري عالأمام تبجي كل هاي السنين
لاتقصر ياحمـام شمـــا تزور أم البنين
ـــــــــــــــــــــ
انته هم رافضي ولا عن طلبنه تعتذر
انقلدك احنه الزياره شماتزور انته الكبر
تدري عذبنه الهيام وعالزياره معلمين
لاتقصر ياحمـام شمـــا تزور أم البنين
ــــــــــــــــــــ
جبار البطاط
ليست هناك تعليقات:
إرسال تعليق