ماأصدك راح أموت وبيك يبني اتلاكه
حته أكلك ياحسين اشكد الك مشتاكه
وراح أكلك عذبتني ... من مشيت ودعتني
اشكد ألك مشتاكه
ــــــــــــ
بعدد نجمات الـسمه وهم بعد أكثر
روحي مشتـــاكه ألك ياشـبل حيدر
يبني كل ليله أندعي هالعمر يكصر
حته اشـــوفك لومـتت ياأبوألاكبر
راح أكلك بالكبر هسـه ردتلي الحــــــيات
لان يحسين اليشوفك مايحسبه العقل مات
ولاتصدك غبت عني .. من مشيت ودعتني
اشكد الك مشتاكه
ــــــــــــــــــــــــــ
راح أكلك جنت وين شـــأخرك عني
شعجب للطف ماوصل وسـمعت وني
على ولدي مابجيت اعليك بس يبني
أون مابين ألاكبور مكبـــعه بحزني
ابجي حكي ومن أون بيك مفجوعه
حته من نوحي العدو سالت ادموعه
هذا حالي لوشفتني .. من مشيت ودعتني
اشكد الك مشتاكه
ـــــــــــــــــــــــــــــ
يمه اكصد للبقيع شماشمس تطلع
لنوحي تلتم الخلك ونته ماتسمع
تدري لاماصــدكت جســمك اتكطع
لسه ضــماك اللحد عقلي مايقنع
ولسه اســئل من طحت ابكربله دامي
اشربت من ماي النهر لومتت ضامي
قصتك لن حيرتني ... من مشيت ودعتني
اشكد الك مشتاكه
ــــــــــــــــــــــــ
انه وصيت الكــمر يعتني بالجود
من يشاهد كل درب للنهرمسدود
أله يملي جربته لو بعد ميعـــود
كون يطبر هامه بسيف لوعـامود
كتله نــــاذرتك ألــه ياكمر تدريني
يبني اطبر هامتك لوردت ترضيني
بس أوصي بيك يبني .... من مشيت ودعتني
اشكد الك مشتاكه
ــــــــــــــــــــــــــــ
مثل يعقوب انتظر وخابت اضنوني
ويايوسـف بيك أدري مايبشروني
ألامل ظل لومتت وتغمض اعيوني
أدري تحظر بالكبر بس يدفنوني
ولأن بس الموت يجمع بينك ومابني
صرت أتمنى تغمض للمنيه عيني
ريت لا مافاركتني .... من مشيت ودعتني
اشكد الك مشتاكه
ــــــــــــــــــــــــــــــ
كلت تخمد جمرتي احسين لوشفته
بولدي لامافــــــكرت بيك بس انته
حته لوبس بالحــــــلم تمر لوسكته
شلون اشوفك بالحلم ليلي مانمته
راح أكلك من تجي ذبل اعيوني السهر
ومن كثر دمعي الجره خدي يايمه انحفر
ابجي لامابطل وني .... من مشيت ودعتني
اشكد الك مشتاكه
ــــــــــــــــــــــــــــــ
جبار البطاط
ليست هناك تعليقات:
إرسال تعليق