نياحتنه وعزانه تظل عندج امانه
تكتبينة بسجلج يظل هذا رجانه
تعالي يالحزينة لعزانه وشرفينه
يظل هذا رجانه
_____
الصادق قال كل ماتم أمنه فاطمة تضر
نريد بهالعزة تحضرين عليج بكطعة المنحر
يم الباب لتكعدين تعالي بجانب المنبر
على كيفج لمن تلطمين ندري بضلعج مكسر
دمعنه وية دمعج نواعينا نسمعج
رجاءاً لا تلطمين يمولاتي على ضلعج
احضري يالحنينة لعزانه وشرفينه
يظل هذا رجانه
_____
مأتم منعقد باسمج وقدومج كلنه ننتظرة
تعالي وخالسوة نكعد نتناوب على الحسرة
بلكت من مدامعنه نجبر ضلعج وكسرة
نداوي جرح بسمارج ونداوي عينج الحمرة
مجالسنة تلمنه حجيهم ما يهمنه
يأم الشيعة انتي نظل نبجي على امنه
اقصدي من المدينة لعزانه وشرفينه
____
بوفاة ام البنين اليوم احضرينه بدمع سجاب
مجلس فاتحه هذا وابو فاضل وكف بالباب
هذولة الوكفوا يلطمون حسبتيهم اليلة حساب
العنده حاجة لتردي وانتي للكرم اسباب
نحلفج يالزجية بغريب الغاضرية
تجين اليلة عدنه وتجيبيهه لرقية
تجيبيهه وتجينه لعزانه وشرفينه
______
تعالي رايده اقرالج لبو اليمه حزن واحساس
بس يالزهرة عذريني ما اقرة على العباس
لان ام البنين تقول لتخجلوني يا هالناس
واسوا فاطمة بحسين الصدرة بخيل امية انداس
توصينة بوصية وفائاً للزجية
اريد الدمعة تبقى لغريب الغاضرية
نريدج تحضرينه لعزانه وشرفينه
__________
للاستماع اضغط هنا
ليست هناك تعليقات:
إرسال تعليق