دمعة وفائي شايلة ما بين ايديّه
وأتمنى لو تقبلها يا حامي الحميّة
بيتك دخلته وهالشرف يسري ويا دمي
لكن نظرت أولادك وظل دمعي يهمي
ناديت يا حيدر دخيلك غيّر إسمي
خاف الإسم لأولادك يسبب أذيّة
صح دمعتي تواسيهمُ وتِستمِع همهم
بس ما ردت يبا الحسن أتسمّى أُمهم
أنا وبنيني بكل فخر نصبح خدمهم
زينب أقلها تدلّلي وأمرك عليّه
أربع ولد يبا الحسن ربي نِطاني
بإسم الحسين قبالهم يهتف لساني
لا بد يجي اليوم الذي يتعلّى شاني
وأسمع ضحايا تذبحّوا فوق الوطيّة
يبا الحسن عبّاس عندي قرّة العين
وصّيتَه يهتف سيّدي لو ينده حسين
بس لمّن انصاب ووقع وبكتره كفين
أدركني نادى يا أخي جتني المنيّة
قلّه يا خويه لا يِظَل راسك بحجرك
وين انته راسك يبقى لو ينقطع نحرك
بسوح الحرب لا تحمل وانته على مُهرك
خايف اذا توقع تسحقه خيل أميّة
يبا الحسن هذا الوفه الـ غذّيته عبّاس
كم موقف تسجّل اله ويرفعلي الراس
باجر اذا صار الحشر تتجمّع الناس
وكفوفه تنظر يا علي بيد الزجيّة
★مهدي بارون
روعه
ردحذف